Mimila (已結業)

好日都唔去沙田一轉，今日要去睇傢俬就順便行下新城市廣場，依家既新城市好多食市林立，難得過新界區，連鎖店就不在考慮之中~見有新鋪開張無耐，就即管試下先!餐廳以粉藍色為主，每張台都唔算太迫，要傾計都可以!本身自己鍾意食麵類多過飯，馬來西亞真係第一次試，同男朋友每人叫一碗麵，分別係馬來辣蝦湯麵＆咖喱喇沙手撕雞湯麵（麵類可以轉油麵、米粉、河粉、檬粉、銀針粉、粗米粉、摻摻），另叫小食干撈炸蝦雲吞 及一杯凍檸檬意米馬來西亞辣蝦河粉~有海蝦，芽菜及通菜，味道濃郁，河粉份量都好多，最欣賞炸蒜，若愛濃味者，可以落晒碗粉度!咖喱喇沙手撕雞湯配檬粉~一上台就已經聞到陣陣咖喱味，配有豆卜，魚片及雞絲，檬粉同豆卜都吸晒湯汁，初初以為唔會好辣，食食下辣味就隨之而黎干撈炸蝦雲吞~未黎之前一直諗咩炸蝦雲吞可以點樣干撈呢？之後見到就知啦，原來指既係sauce （蒜蓉mix辣油）凍檸檬薏米~呢杯唔錯，薏米份量都多，絕對幫到我解辣，重點不會太甜