潮滋味 (已搬遷) 新店位置

女友到石門學做小手工，自己無無聊聊周圍行，石門附近都幾多餐廳選擇，不是太肚餓，經商場見到呢間小吃麵店正合我意，兩口子叫了一人一碗面，別加一小食套餐，剛好！都好飽喔！自己叫了牛腩拼牛肉丸幼麵，女友叫了牛肉餅牛丸米粉，牛腩夠林，夠入味，牛肉丸彈牙，牛味夠！湯底夠味，小食套餐有潮式腸粉，小米，加一紙包飲品，潮式腸粉內有生菜、豬肉、雞蛋，蔥，，味道不錯，腸粉滑，可以一試。小米好像細細粒的小粉果，幾特別，味道還可以。總括來說可以一試，但價錢略為貴少少!另一美中不足的係全部用即棄餐具。希望日後有所改變啦！