六喜見 (已結業)

雲吞麵係香港代表性美食之一，呢間旺角新開張自家麵食小店，首創雙湯底，除左傳統既大地魚金湯，仲加左秘製香蝦海味金湯，所以特別鮮甜甘香。全店不添加任何味精，以原汁原味呈現湯之珍味，令客人品嚐到湯底原味道，食得健康又開心。小店上主食時，會為每位客人送上一小杯自家製清甜菊花茶，清熱又冰涼。雙湯香蔥芫茜蒜香鱔仔乾草菇醬油撈麵：上枱已聞到好香芫茜和鱔仔乾既味道，原粒草菇和自家製醬汁，爽口既麵底，好有驚喜。海家魚湯銀魚蠔仔蟹肉湯飯：魚湯好鮮甜，蠔仔大大粒，銀魚仔脆卜卜，叫人滿足。淨雲吞雙湯：雲吞包住新鮮彈牙既蝦肉及豬肉，配上香濃既湯底，必點。六喜甜辣醬海參花：海參花係抗三高抗氧化既超級食物，醬汁都係手工調配，營養價值高。總結，小店位置方便，食材有質素，新鮮好味，值得推介。