影片
更多
2024-01-14
250 瀏覽
好耐冇食過酸菜魚，一直都知道捌壹壹嘅冷鍋酸菜魚好出名，今次就去到旺角分店，試下佢係咪真係咁好食😋冷鍋酸菜魚+寬粉 $238+45一開始聽到冷鍋酸菜魚呢個名以為佢係凍嘅，但其實唔係，只係指唔會一路加熱住食，咁就唔使驚魚肉肉質變鞋。事實證明係好成功嘅，魚肉的而且確好滑又冇骨，一上台就聞到好香嘅酸辣味，酸菜同辣味配合得好好，唔會搶左大家嘅味道。除咗酸菜同魚之外，入面仲有娃娃菜、金菇同萵筍，我哋仲加咗寬粉，齋食呢個已經非常滿足😋炸三鮮蝦 $42$42有六隻，價錢唔貴，味道正正常常，適合作為飯前小食黑糖糍粑 $42每次食川菜都會食嘅一定係黑糖糍粑，外層香脆，內層煙靭軟糯，糯米嘅香味搭配中間嘅黑糖同外層嘅黃豆粉簡直天衣無縫😍
冷鍋酸菜魚+寬粉 $238+45
一開始聽到冷鍋酸菜魚呢個名以為佢係凍嘅，但其實唔係，只係指唔會一路加熱住食，咁就唔使驚魚肉肉質變鞋。事實證明係好成功嘅，魚肉的而且確好滑又冇骨，一上台就聞到好香嘅酸辣味，酸菜同辣味配合得好好，唔會搶左大家嘅味道。除咗酸菜同魚之外，入面仲有娃娃菜、金菇同萵筍，我哋仲加咗寬粉，齋食呢個已經非常滿足😋
炸三鮮蝦 $42
$42有六隻，價錢唔貴，味道正正常常，適合作為飯前小食
黑糖糍粑 $42
每次食川菜都會食嘅一定係黑糖糍粑，外層香脆，內層煙靭軟糯，糯米嘅香味搭配中間嘅黑糖同外層嘅黃豆粉簡直天衣無縫😍
張貼
