翠林辣蟹舫

營業中

休息中

今日收工朋友話搵我食飯，想食小菜同海鮮，所以就黎咗呢間食辣蟹既餐廳，一於食餐好！一入見就見到檯檯客人都有叫蟹，蟹又好大隻好吸引咗，我地都叫左隻胡椒炒蟹食下。胡椒炒蟹鑊氣十足，色香味俱全，侍應姨姨事前會問我地食咩辣度，我地揀咗小辣，胡椒味好出，加上蟹肉好新鮮，食落好惹味，又唔會搶走主角蟹肉既風頭。污糟雞係送既，但雖然係送，估唔到都唔錯，無揸流灘，賣相幾抱，用荷菜蒸雞，加埋紅棗榨菜蔥花，雞肉新鮮但唔會太肥，嫩滑十足，都幾好食。朋友仲叫左個啫啫蝦醬通菜，一黎到已經出曬煙，有肉碎同蝦醬，炒得好香，通菜無渣，好脆口，好適合撈飯食。豉椒炒蜆都好出色，豉汁加上炒蜆絕對係經典小菜，豆豉味好香，蜆肉粒粒都好大，新鮮無死蜆，食炒蜆最怕有沙有死蜆，呢到就無，抵讚。