嵐山日本料理

營業中

休息中

自從上個月去完日本後就無食過日本料理,今次趁假日決定同朋友去享受一個十分豐富的午餐,正在搜尋餐廳時,我們剛剛經過這餐廳門口,朋友就建議不如試這間吧,我們被安排坐位後都急不及待睇午市定食有什麼選擇,每一個定食我都想食,掙扎了一段時間,最後我選擇了火灸三文魚親子飯,朋友選擇了花魚生飯落單後就立即送上熱熱的麵豉湯,我們一邊傾計一邊飲湯,我的火灸三文魚親子飯首先送到,真係一個超豐富的午餐定食!!有前菜,漬物,茶碗蒸,同好大碗的火灸三文魚親子飯!!前菜係我最喜歡的辣味螺肉,漬物浸泡得好味,令我胃口大開,茶碗蒸的蛋蒸得好嫩滑,真係好想無限添食!!火灸三文魚親子飯的三文魚真係很新鮮,魚肉色澤鮮明,肉質堅挺又光滑,口感不錯!!朋友的花魚生飯種類很多,完全覆蓋了整個飯!!翻開每件魚生都是厚切,而且牡丹蝦真的好大隻,下次再來一定要食花魚生飯,最後送上雪糕,有芝麻,綠茶同豆腐味選擇,我同朋友都選擇了綠茶雪糕,真的很好味!!這間令人喜出望外的餐廳下次一定會帶其他朋友再來!!