陳儀興滷水鵝專門店

營業中

休息中

🆕新蒲崗陳儀興滷水鵝專門店 屹立新蒲崗60年的老字號打冷店，最近開左全新副線滷水鵝專門店，主打滷水鵝飯、斬料等，價錢大眾化，買左兩盒外賣返屋企飯，都好足料，完全無投訴🙌🏻👍🏻一定要叫招牌滷水鵝飯，個滷汁煮得夠香，未打開盒飯已經聞到陣陣滷水香味。鵝肉好入味，肥瘦均勻，塊皮其實都好重要，有少少肥肉先夠香🙊同埋好鍾意佢個甜酸汁令鵝肉味道更有層次感。旁邊仲會配搭少少酸菜送飯食一流。另一款我哋要咗招牌鵝三寶飯，除咗滷水鵝，我哋都鍾意食鵝腸、滷水鵝肝。以前都唔識食鵝腸，大個咗先知原來咁爽口咁好味。鵝肝厚切，質感軟滑都唔錯。飯仲送咗例湯，加多$10仲可以要油菜，真係抵食過自己煮👍🏻見到下午茶都超抵食，$38就可以食到滷水鵝米線，餐廳環境都好企理，下次都可以坐定定食野。