Ikigai Concepts (已結業)

朋友一直都好想試吓日本料理店，而今日我哋就去咗呢間荃灣嘅試吓啦。餐廳環境一流，風格好特別，連菜式都好新穎。$128既炸蛋天婦羅蝦餅丼套餐，配埋沙律，茶碗蒸，味增湯，真係食到好飽。佢嘅天婦羅蝦餅好好食，炸粉又夠薄，食落口完全唔會好似食緊炸粉多過炸蝦咁，另外有埋個流心蛋，撈埋飯一齊食。超級正！特上海鮮丼套餐，有沙律，茶碗蒸，味增湯，CP值好高。特上海鮮丼有成十款左右既海鮮刺身，居然有鮑魚，鮑魚味好正，完全意料之外。刺身好厚身，啖啖魚味，魚表面燒過，魚油出曬黎，好好食。