申子居酒屋

營業中

休息中

呢間居酒屋一直好受歡迎，今次終於試到啦！蓬鬆玉子 $108玉子一層疊一層，好大份，食落有濃濃嘅蛋香及奶香。中間半熟嘅蛋漿尤其吸引。極上鹽燒牛舌芯 $128牛舌芯非常出色，我地十分推介！牛舌芯好肥美，但食落完全唔油膩，而且十分彈牙juicy。旁邊配有檸檬、柚子鹽同蔥花等，大家可以按照自己口味配搭。申子新卷 $248申子新卷裡面包住脆卜卜嘅三文魚皮，上面有吞拿魚蓉、海膽、三文魚籽，味道新鮮。海膽炒飯 $238炒飯粒粒分明之餘又唔會乾身，係我鍾意嘅質地！除咗海膽，裡面仲加入櫻花蝦、蟹籽、帶子等，真材實料。