潮洲滷 (已結業)

嚟到灣仔見到一間食潮州滷水嘅外賣舖頭 係一間小店 望落去好有誠意 好多人等緊外賣 應該都唔會差得去邊 店裡見到有唔同種類嘅滷水食物 而且睇落顏色好靚 師父不停斬緊食物 唔係滷咗好耐而變得好深色 而且款式多元化 最後叫咗滷水鵝 滷水豆腐 滷水蛋 滷水雞髀同埋滷水豬大腸 分量十足 價錢化算 疫情關係外賣拎返屋企食 但係都依然好好食 特別一讚滷水鵝 好入味但唔會過龍 好嫩滑入味 另外個滷水雞髀都相當唔錯 啖啖肉 好滋味 一家人加料好選擇 大家都好滿意！