云手工火鍋店

營業中

休息中

以前對打邊爐冇乜特別喜好，因為覺得就咁烚吓烚吓冇乜特別，但係自從多咗好多層出不窮嘅火鍋湯底後，就慢慢鍾意咗。呢間位於尖沙咀瑞生酒店嘅火鍋店，裝修簡約舒服，座位闊落，而且服務好好，黎呢度嘅原因就係俾佢嘅火鍋湯底所吸引。松茸雞翅冬瓜魚鍋 $368火鍋湯底嚟到嘅時候，都幾驚艶，賣相吸引又足料。職員會幫你將冬菇雞件放落湯度，火鍋滾左之後，職員會將冬瓜切件，然後就可以品嚐左真材實料嘅湯底先啦，冬瓜魚湯既鮮甜、味道又濃郁，雞肉煮咗好耐依然保持鮮嫩👍手切牛頸脊 $388牛頸脊位於牛頸與肩胛之間，屬於運動量比較多的部位。油花分佈平均，肉質鮮嫩爽滑有咬口，肉味濃厚👍響鈴 $68，紫菜響鈴 $88必食推介👍響鈴係自家製嘅，即叫即炸，嚟到嘅時候係熱辣辣嘅，腐皮好薄，直接食好鬆脆，浸一浸塑左d湯都好正，本身鍾意食原味多啲，我哋唔夠口encore再食紫菜味都幾有特色👍鹹蛋黃蝦丸 $52蝦丸都幾彈牙，入面鹹蛋黃如果多啲，做到爆漿效果就更好😆黑松露蟹肉餃 $68水餃皮煙靭，夠晒大件，黑松露濃郁，餡料蟹肉絲加冬菇粒頗多，味道夠晒特別👍竹蔗茅根$68通常打邊爐都會叫竹蔗茅根下吓火，清甜竹蔗味，甜度適中👍雜菜拼盤 $88