影片
更多
2014-10-18
2404 瀏覽
某日行經尖沙咀見到條街排晒長龍，原來係排緊隊等食台灣出名那間咖啡弄，由於太多人排隊所以冇等到。這店營業時間為中午 12:00，所以今次星期六專登上午 11:30就排隊，但呢個時段都已有十幾個人排隊中。差不多開店時，就會有店員落點人數，然後就開始上樓，入到去服務員會用純正既台語講 : 歡迎光臨 ( 呢度d服務員大多數都係講國語的 )，跟住就帶位。 入到去室內窗邊前有一排Bar枱及櫈，可觀望街景，筆者有幸座到，好好feel 呀、而左右其它座位就有 4 人、6人及8人座位，呢d座位最唔好就係要同其他人搭枱。坐下來，打開餐牌見到好多甜品小吃、圖片賣相非常吸引，左諗右諗之下，同友人點了鮮果冰淇淋鬆餅、總匯三明治、OREA冰沙及芒果冰沙。首先上了 2杯冰沙，筆者飲OREO冰沙、杯中當然有一塊OREO餅做陪襯， 飲了一口後，感覺到奶好滑，配合埋香儂OREO 餅碎及朱古力粒，簡直 Prefect，冰刨得很幼細、全冇硬冰粒感，不防一試，但筆者覺得朱古力粒過硬及大粒左d，咬到棚牙好攰好痛 至於友人杯芒果冰沙，味道還可以，但芒果粒粒好酸呀。還有一杯冰沙要 $52 (未計加一) 實在太貴了，相對之下用呢個
某日行經尖沙咀見到條街排晒長龍，原來係排緊隊等食台灣出名那間咖啡弄，由於太多人排隊所以冇等到。這店營業時間為中午 12:00，所以今次星期六專登上午 11:30就排隊，但呢個時段都已有十幾個人排隊中。差不多開店時，就會有店員落點人數，然後就開始上樓，入到去服務員會用純正既台語講 : 歡迎光臨 ( 呢度d服務員大多數都係講國語的 )，跟住就帶位。 入到去室內窗邊前有一排Bar枱及櫈，可觀望街景，筆者有幸座到，好好feel 呀、而左右其它座位就有 4 人、6人及8人座位，呢d座位最唔好就係要同其他人搭枱。
坐下來，打開餐牌見到好多甜品小吃、圖片賣相非常吸引，左諗右諗之下，同友人點了鮮果冰淇淋鬆餅、總匯三明治、OREA冰沙及芒果冰沙。
首先上了 2杯冰沙，筆者飲OREO冰沙、杯中當然有一塊OREO餅做陪襯， 飲了一口後，感覺到奶好滑，配合埋香儂OREO 餅碎及朱古力粒，簡直 Prefect，冰刨得很幼細、全冇硬冰粒感，不防一試，但筆者覺得朱古力粒過硬及大粒左d，咬到棚牙好攰好痛 至於友人杯芒果冰沙，味道還可以，但芒果粒粒好酸呀。還有一杯冰沙要 $52 (未計加一) 實在太貴了，相對之下用呢個價錢試吓其他食物更著數。
鮮果冰淇淋鬆餅ok，那塊鬆餅咬落去好綿好脆、夠熱夠新鮮，配己一小瓶蜜糖、mousse、果漿及芒果雪糕、筆者認為鬆餅夾住雪糕已經好 Yummy Yummy；生果方面，波羅唔酸只得4片、火龍果都係得4小粒淡味、不過好欣賞係用一楷橙雕了隻兔仔好有心思
唔 ... ... 總匯三明治就一般，味道ok，有4件三明治夾住雞肉、生菜、蛋及火腿，筆者覺得冇乜特別與其它餐廳既公司三文治差不多，碟中間放了唔夠脆口及帶點硬既粟米片，如果放薯片會好好多囉、少許生菜及1球碎蛋，反而碎蛋好好味。
總括講食物買相好靚好精致好有心思，連卡片花紋都張張不同，食物份量都足夠，食後有飽肚感，價錢都合理，但冰沙價錢就好唔合理太貴了。
張貼
