影片
更多
2018-01-16
433 瀏覽
第一次同閏蜜嚟Chef Stage後一直念念不忘，今日又係同佢嚟返呢度食晚飯，計一計，原來上一次嚟已經係十個月前……光陰飛快! 窗外景色同室內佈置依舊，唔同嘅係今次多左兩位女店員，上次係清一色男店員。餐廳雖然叫Chef Stage但喺呢個「舞台」表演嘅唔單止有Chef仲有結他手。自彈自唱英文經典金曲，間中仲會為生日嘅客人獻唱生日歌，悠揚嘅樂聲令整間餐廳氣氛更輕鬆。【Fruit Tea Cooler(for Two)$88】以為係一Jar，原來係兩杯嚟? 點解唔分開賣呢? 入面好多鮮果粒，藍莓、蘋果、青蘋果、士多啤梨……茶底係果茶同Cranberry juice混合，低甜度又帶少少酸味，幾開胃，屬健康之選! 【蟹肉煙三文魚沙律配荔枝珍珠$158】一大團蟹肉，肉絲拆得好幼細，加埋煙三文魚、沙律菜。不過最正都係荔枝珍珠，一咬就爆出荔枝漿，好似食緊真嘅荔枝果肉一樣。一個沙律包含多種美味鮮味，大讚！【黑松露蘑菇湯$68】味道偏咸仍然係咁好飲，蘑菇蓉做得好滑，加埋黑松露獨有香味。【香脆豬扒包(黑毛豬熱脆包)$88】脆脆包外皮烘得好脆，一啖咬落去，已經發出清脆聲。入面係一條條切好嘅黑毛豬豬柳，食得好
【Fruit Tea Cooler(for Two)$88】以為係一Jar，原來係兩杯嚟? 點解唔分開賣呢? 入面好多鮮果粒，藍莓、蘋果、青蘋果、士多啤梨……茶底係果茶同Cranberry juice混合，低甜度又帶少少酸味，幾開胃，屬健康之選!
【蟹肉煙三文魚沙律配荔枝珍珠$158】一大團蟹肉，肉絲拆得好幼細，加埋煙三文魚、沙律菜。不過最正都係荔枝珍珠，一咬就爆出荔枝漿，好似食緊真嘅荔枝果肉一樣。一個沙律包含多種美味鮮味，大讚！
【黑松露蘑菇湯$68】味道偏咸仍然係咁好飲，蘑菇蓉做得好滑，加埋黑松露獨有香味。
【香脆豬扒包(黑毛豬熱脆包)$88】脆脆包外皮烘得好脆，一啖咬落去，已經發出清脆聲。入面係一條條切好嘅黑毛豬豬柳，食得好方便。
【焗法國連殼食田螺$128】呢個係必食小食，因為只係呢度先有得食。將田螺肉放喺預先焗製嘅脆殼入面，造型神似，成個田螺入口，入面腍外面脆。
【燒西班牙黑毛豬肉眼蓋$198】呢度最出名仲有黑毛豬，有三大件。不過三件厚薄不一，有件太薄，肉質較乾，有件就厚切，豬味濃又多汁。油脂都幾豐富不過食落有少少膩感，可能考慮到呢點所以呢道菜配有多種解膩嘅配菜，有Basil菠蘿粒、車厘茄、薯蓉、白蘿蔔同埋外國勁hit嘅羽衣甘藍。
【蒜香牛肉扁意粉$188】改左做蕃茄底，牛肉份量多，大大片仲厚切，感覺有啲過熟，個人鍾意食生少少。
每食一道菜，店員都會換過一隻碟。無論係空碟或者盛載美食嘅碟都係熱架，咁樣就可以保持食物溫度同味道，好細心~
張貼
