Give Me 5 (已結業)

半年前曾來過觀塘Give me 5, 無論環境同食物質素都令我留下不錯既印象，所以當朋友話要約去觀塘食飯，我就相約她於Give me 5，藉此回味一下。甫入餐廳，燈光昏暗，地方依舊寬敞，大電視、飛鏢機、桌球枱仍然有保留，浪漫、舒服而又有開心既環境集於一身。Give me 5現主要做晚市任飲任食兩小時，有多款凍海鮮、日式刺身提供，沙律、餐湯、甜品、汽水、健康飲品……等不停供應，另有六款主菜自選一款，食物多羅羅，絕對能滿足每一位客人。不過朋友剛好病癒，唔食得凍野，所以唯有散叫，她要了一客63度溫泉蛋卡邦尼意粉($198)， 以攝氏63度煮出既雞蛋，蛋白是剛剛凝固，看起來濕潤閃亮，切開後鮮黄色汁液慢慢滲入意粉內，但蛋白內仍存有半固體嘅蛋黃，在口內慢慢融化，極具口感 ; 而意粉軟硬度適中，配合美味白汁，朋友話正。我就要了澳洲肉眼扒8安士配黑菌汁(六成熟)($238)， 脂肪平均又夠肉汁，肉質纖維厚，頗具咬感 ; 而肉味也十分濃郁，口感十分豐富。朋友話這裡既主菜，味道不錯，下次等她身體完全康復，再來這裡食晚市任飲任食兩小時，我當然奉陪。