第三站

已經有成大半年無去呢間CAFE, 上次係同女友同佢細佬黎,今次就得我地撐枱腳。STATION 3 有一堆遊戲,適合一大堆朋友,或者等緊遲到王去玩的。不過今次得2個,自然就無去拎黎玩!睇下MENU先!要左個肉醬意粉同西班牙煙鴨胸燴飯!由於我唔食沙律,所以加左一個30蚊要頭盤同甜品!沙律我唔食所以無影,不過聽女友講味道唔錯,尤其係個醬,同吉吉家個D麻醬一樣,佢十分鐘意!先黎既係西班牙煙鴨胸燴飯,每粒飯都濕濕地,有好香既湯味,每粒飯都煙煙韌韌!而且鴨胸已經切成一粒粒咁,當炒飯食又得,味道唔錯!肉醬意粉就無乜特別,隻色睇落怪怪地,不過都唔道既,下次再揀我會揀試其他主菜多D!加埋個海鮮小食拼盤。有魚柳,炸蝦,炸蟹鉗,帶子同埋薯條!個炸蝦炸得又脆又爽口,而且肉質幾結實,不過就乾身左少少。個魚餅正常唔錯的。個炸蟹鉗啲肉都ok,炸帶子肉質唔會好淋,外脆內嫩。不過大家都知係雪藏野,但又無雪味喎! 重有薯條,剛剛炸起十分脆口,只好返去飲多2支清熱酷!呢個拼盤呢個係抵食既!我地重要多左個蜜糖雞翼,40蚊有6隻都幾高性價比。可惜無影相,可以參考其他人的相。蜜糖味超濃,有別於其他的店的雞翼,十分推介!飲品方面,