影片
更多
2019-11-13
133 瀏覽
久違了，今次再度嚟到鮨文食omakase～感覺依舊親切，但味道及presentation更有驚喜啊！師傅告知我地今日會有毛蟹同時遞比後場處理，今日我地走運了！首先係三文魚子蒸蛋，三文魚子嘅鮮味不嬲係我食壽司嘅最喜愛前三名，今次仲係滿滿嘅鋪係面頭，上面仲有啲柚子皮特別清新～真係令人垂涎欲滴！特別在於粒粒晶瑩剔透嘅三文魚子係師傅佢地自己醃制，仲帶淡淡酒香，超特別！蒸蛋就保持一向好滑嘅水準，內裡仲有瑤柱粒提味！刺身部分隨即開始～先係蜜柑鯛，口感柔軟、味道清甜！原來係將蜜柑果肉加入飼料去餵飼，係帶有豐富維他命呢！接住係呢個季節必食嘅秋刀魚，油脂好重魚肉好香濃！另外係魚肉上面界左一格格，正正同碟上嘅格紋形成對比，仲可以唧上旁邊嘅青檸，加上酸味更多層次。係等食下一道嘅途中，師傅不急不忙為我地準備左啲前菜，分別係煙熏蘿蔔、千本漬蘿蔔同埋Wasabi淮山。Wasabi淮山不嬲係我最愛，Wasabi帶點嗆辣刺激，淮山咬落爽口過癮！最驚喜係呢個炸他他醬帆立貝，本身帆立貝已經好鮮甜新鮮，係有明顯一絲絲口感！炸完之後一咬之下係有juicy嘅感覺，加上面頭嘅他他醬好配合，超想encore！平時鰹魚就食唔少，師傅
師傅告知我地今日會有毛蟹同時遞比後場處理，今日我地走運了！
首先係三文魚子蒸蛋，三文魚子嘅鮮味不嬲係我食壽司嘅最喜愛前三名，今次仲係滿滿嘅鋪係面頭，上面仲有啲柚子皮特別清新～真係令人垂涎欲滴！
特別在於粒粒晶瑩剔透嘅三文魚子係師傅佢地自己醃制，仲帶淡淡酒香，超特別！
蒸蛋就保持一向好滑嘅水準，內裡仲有瑤柱粒提味！刺身部分隨即開始～先係蜜柑鯛，口感柔軟、味道清甜！
原來係將蜜柑果肉加入飼料去餵飼，係帶有豐富維他命呢！接住係呢個季節必食嘅秋刀魚，油脂好重魚肉好香濃！
另外係魚肉上面界左一格格，正正同碟上嘅格紋形成對比，仲可以唧上旁邊嘅青檸，加上酸味更多層次。
係等食下一道嘅途中，師傅不急不忙為我地準備左啲前菜，分別係煙熏蘿蔔、千本漬蘿蔔同埋Wasabi淮山。
Wasabi淮山不嬲係我最愛，Wasabi帶點嗆辣刺激，淮山咬落爽口過癮！最驚喜係呢個炸他他醬帆立貝，本身帆立貝已經好鮮甜新鮮，係有明顯一絲絲口感！
炸完之後一咬之下係有juicy嘅感覺，加上面頭嘅他他醬好配合，超想encore！平時鰹魚就食唔少，師傅話佢地用嘅係回游鰹，實情意思係係鰹魚產卵後中途捉左佢地～
而佢地今次仲用左稻草燒嘅方法，好特別～鰹魚食落有煙燻香氣，好清香～配埋茗荷同埋炸蒜係如虎添翼！唔少得佢數一數二出名嘅鮑魚～
佢地今次用左九州赤鮑，係雌性嘅鮑魚，而男性就叫黑鮑。以上就係日本最頂級嘅鮑魚品種，特別矜貴～
食後仲可以將鮑魚肝醬配壽司飯食添，好濃郁！
一路食見住旁邊食客食緊呢個吞拿魚海膽三文治已經好想品嘗，超吸引～
吞拿魚係用左蘋果木煙熏過所以特別香，配上入口即溶嘅海膽食落更順滑～係必食之物啊！超豐富嘅刺身部分就完左啦，就到壽司～
打頭陣用上秋冬食材嘅鰤魚，佢係油甘魚大哥，油份比較重，魚肉偏紅色。之後到貝類—活北寄貝，見住師傅拍打嘅過程就知道新鮮程度！
食落爽脆口感就令人回味。接住就係富山出嘅白蝦，製作工序都不可小覷，一件壽司有十幾二十隻蝦呢！
味道鮮甜、黏糯，仲加上青柚子皮，更清新！之後係我好鐘意嘅toro，呢件係中腩部位，食落柔軟～油脂都比較平衡！
剝皮魚配剝皮魚肝壽司
魚肝炙燒過係入口即溶，好甘香！白身魚本身比較淡味，加上魚肝就更加點綴起來。跟住就到一開始幫佢影左遺照嘅毛蟹～
一杯有齊蟹肉蟹膏，置頂仲放左隻沢蟹呢。沢蟹睇就睇得多，成日見佢係缸仔到爬爬爬，第一次食佢，炸過好酥脆甘香，幾得意～
聽師傅講呢個size已經算大了。講返主角，毛蟹蟹肉蟹膏都好鮮，而毛蟹熟食就最適合啦！跟住就到胡麻鯖，係鯖魚嘅一種。
其中一個highlight一定係呢個大極上馬糞海膽，由包裝到口感味道都係一流。
呢款海膽係師傅佢地去到豐州市場度採購，就知係經過嚴選！而大極上呢個品牌嘅包裝簡直係好精緻，係彩紙公司嘅印製，相當和風！
海膽食落係純粹嘅甜味，食完仲有餘韻係口腔，超幸福！
呢個係佢地自己整嘅海鰻，係採用左最細條嘅穴子，細條到連骨都感覺唔到，所以食落就好綿滑！而個鰻魚汁都唔惹小，係佢地用鰻魚嘅頭加骨煮成㗎～
最後就係手卷嘅部分，內容物就豐富啦～用上右口魚邊、松葉蟹肉、白蝦、蔥吞拿魚、三文魚籽，超豐富～好似係綜合左今晚嘅精華，每樣令人驚喜嘅單品再夾埋一齊再次震撼你嘅味蕾一樣！
而呢個手卷用左江戶前手卷法，圓柱嘅形狀咁就可以每一啖都食到啲餡，唔會好似三角個款咁，好貼心！
魚湯依舊濃郁！
果物方面有靜岡蜜瓜同埋岡山嘅巨峰提子。
呢款仲係新品種，係意大利混日本㗎，都係第一次食～超巨大一粒，皮仲可以食埋，唔澀呢！蜜失就唔少得噴上威士忌更帶出個甜味。
每食一次廚師發辦就好似聽一次故事咁，又好似上左堂課咁～呢個就係點解咁鍾意食廚師發辦嘅原因。
張貼
