影片
更多
2020-06-17
1395 瀏覽
見倒好多人話好難食，其實坦白講我就唔覺嘅。啲嘢嘅質素都ok，但我想講下我嘅用餐經驗有幾唔愉快。今時今日一間叫做high-end嘅餐廳咁樣嘅服務，真係好痴線！首先我係三星期前已經訂左630pm，我地6:32到達，因為同父親大人食飯！去到話搵唔到我booking，好彩我有confirmation嘅頁面俾佢，搞左一輪6:50坐低，話限時90分鐘，要8pm還枱，大佬你自己亂哂，仲好意思要計我630入座要我準時還枱？就同佢講返個情況啦，咁佢哋就話咁8點15啦。坐低之後風口好大，怕老人家凍親，所以就問可唔可以坐過一張，因為早嘅關係，仲有好多空枱。叫左staff黎，個staff就話，一係我幫你地熄左嗰個冷氣位，調枱有啲煩。但我哋驚之後如果餐廳有其他人話熱，一開返又吹倒我哋，就決定換。staff就嫌麻煩咁話，咁你係咪真係要換丫？係我就要同前台講，咁我要去問下先囉。期間已經係不滿我地俾倒麻煩佢地嘅口面。之後換左枱，嗱嗱林落單，期間waiter係不斷多次建議我哋叫紅酒及叫父親節餐，經過一番商討，因為餐入面某啲菜式唔啱食，所以決定散叫a la carte，職員係黑面同態度非常惡劣，好似覺得我哋好cheap，
首先我係三星期前已經訂左630pm，我地6:32到達，因為同父親大人食飯！
去到話搵唔到我booking，好彩我有confirmation嘅頁面俾佢，搞左一輪6:50坐低，話限時90分鐘，要8pm還枱，大佬你自己亂哂，仲好意思要計我630入座要我準時還枱？就同佢講返個情況啦，咁佢哋就話咁8點15啦。
坐低之後風口好大，怕老人家凍親，所以就問可唔可以坐過一張，因為早嘅關係，仲有好多空枱。叫左staff黎，個staff就話，一係我幫你地熄左嗰個冷氣位，調枱有啲煩。但我哋驚之後如果餐廳有其他人話熱，一開返又吹倒我哋，就決定換。staff就嫌麻煩咁話，咁你係咪真係要換丫？係我就要同前台講，咁我要去問下先囉。
期間已經係不滿我地俾倒麻煩佢地嘅口面。
之後換左枱，嗱嗱林落單，期間waiter係不斷多次建議我哋叫紅酒及叫父親節餐，經過一番商討，因為餐入面某啲菜式唔啱食，所以決定散叫a la carte，職員係黑面同態度非常惡劣，好似覺得我哋好cheap，唔叫貴野。anyway最尾散叫左15樣野，我地叫佢先上前菜，因為我哋仲有一位要七點先到，佢哋話ok。
但之後竟然五分鐘内所有主菜黎到7788，涼菜前菜一個都未黎。咁我地就同waiter講，你頭先唔係咁講架喎，我地仲有人未到，點解啲主菜黎哂架？waiter就不停講對唔住(係機械式咁回答，無論我哋點指出問題，都係同一個回覆)，我哋表明其實知道唔關佢事，明白佢都只係傳菜，但會唔會係廚房亂左，想跟進下，佢就話咁佢都唔知可以點，就走左去。其實黎左嘅都算啦，我地只係想㩒停剩低嘅菜式，唔好再係咁黎住先，點知個waiter係冇做任何野，過多五分鐘，我哋嘅主菜已經到齊，仍然一個前菜都未到。
喱個時候我家姐就搵經理，諗住同佢反映問題會好啲。點知個經理仲寸，佢話，因為你哋要8pm還枱，再唔上就食唔切，所以就上菜了。咁我地就話頭尾咁咪得70分鐘食？你staff搞到650先坐低。咁你頭先又話上前菜先冇問題？連甜品都黎但我醉雞、粉皮、肴肉、烤夫、嗰啲一個都未黎，講唔講得通先？宜家要我食甜品先？
點知個經理話，就算我宜家上俾你，你都食唔切架啦，咁係咪要我收哂你啲主菜，重新啱次序咁再上一次俾你呀？係嘅我宜家叫人收哂你啲餸囉！
喱個完全唔係我哋期望嘅答案。。。其實我哋真係無意搞大件事，但真係唔明點解佢哋可以咁寸。我地話唔使，不過其實我屋企人食得幾快，食唔食得切，食唔食得哂，都唔關佢事，佢錯就係錯，仲要覺得自己係冇問題！之後經理去同之前講對唔住嗰個waiter了解完之後，又返黎寸我哋話，喂其實我同事都講左好多次對唔住架喇喎，你仲想點？
我哋聽倒真係好無奈，唔知做左啲乜嘢要受到咁嘅對待。十分鐘及後發現原來仲有個炒飯未黎，就追下。點知個經理又過黎話，係呀我哋唔敢炒住喎，咁宜家係咪可以開始洗米喇？跟住放啲米落穫炒喇？
So crazy真係唔知咩attitude黎，所以我家姐就出聲話係呀不過你宜家先開始洗米我哋還唔切枱喇，之後經理用好晦氣及寸嘅態度咁話，咁你哋今晚唔使還枱啦得未？冇限時。我家姐亦回應一句，咁就最好啦。全晚都係嫌我哋叫得唔夠貴咁嘅樣。
Anyway我地食得好快，最尾8:20已還枱，但大家都冇心情了，冇乜點影相。我覺得啲野係好食嘅，俾返credit，但咁嘅service，真係令人卻步。我唔會介紹俾朋友。
喱一餐，我只會用真係好痴線黎形容！
張貼
