日山 (海運大廈)

營業中

休息中

之前睇雜誌見到海港城將會開專門食sukiyaki 的餐廳，已經10分期待，一開張就立刻訂座。鋪頭門口好靚，有條小小嘅隧道，好有feel。餐廳是和風裝修，全場爆滿，有漂亮的海景。餐牌上有幾個套餐，亦都可以散叩，我叫了最貴的那個套餐。頭盤普通，冇咩特別，牛肉他他同刺身都唔係話特別好食，所有食物都普普通通啦。主菜sukiyaki, waiter 會先拎塊牛出嚟俾大家睇吓然後幫你煮。本身仲諗緊要兩塊可能可以交，點知其實都幾油膩，所以其實兩塊都應該夠食。師傅煮得好好，好香，味道亦都非常之好。之後有一啲菜同埋帶子都係麻麻哋，反而有驚喜嘅係個牛湯烏冬都幾濃味。甜品吃了sake cheese cake 同流心綠茶撻，綠茶撻好食好多，cheese cake食唔食都無所謂。總括來講，其實都可以試吓，我都可能會再返嚟食sukiyaki, 但係如果我再去我應該會唔會再叫套餐，因為套餐其他嘅嘢食真係麻麻地。