影片
更多
2019-02-07
2938 瀏覽
放題對於三心兩意嘅朋友嚟講都未嘗唔係一個好嘅選擇, 尤其是而家啲放題唔係只係得日式嘢食中式西式甚至泰式嘅嘢食都有, 你可以話佢唔正宗因為打正旗號係日式放題但係作為消費者,唔係一次過食到愈多國菜式, 價錢又合理嘅, 咁咪仲好啲咩?! 今次嚟到坐落於銅鑼灣駱克道銅鑼灣廣場二期嘅滿屋日本料理, 食第二輪,即係八點. 雖然係有少少晏, 但係出面張buffet枱都住 refill. buffet枱上面除咗有一般嘅炸物例如炸小丸子炸餃子炸蟹鉗之外, 仲有新鮮沙律仲有有好多配料最amazing嘅係有一大盤蟹子畀客任拎!另外仲有吸睛嘅爆谷, 新鮮熱辣仲要係我哋都好鍾意食嘅焦糖味, 焦糖爆谷好似係平嘢, 但係我哋真係食完一兜又一兜. 刺身第一盤我哋叫咗帶子, 油甘魚, 劍魚腩, 三文魚, 希靈魚同埋赤蝦. 每款都有四件, 而且十分新鮮. 劍魚腩十分肥美,肉質細膩, 細滑豐膄. 赤蝦大大隻,較爽身, 口感鮮嫩, 啖啖肉. 希靈魚刺身有粒粒黃色的魚籽，口感爽脆，魚籽帶出的味道鮮甜。 雪櫃內除咗有大量不同嘅飲品選擇之外, 仲有冷熱清酒, 梅酒都係任飲添！Sorry sorry, 講漏咗
今次嚟到坐落於銅鑼灣駱克道銅鑼灣廣場二期嘅滿屋日本料理, 食第二輪,即係八點. 雖然係有少少晏, 但係出面張buffet枱都住 refill. buffet枱上面除咗有一般嘅炸物例如炸小丸子炸餃子炸蟹鉗之外, 仲有新鮮沙律仲有有好多配料最amazing嘅係有一大盤蟹子畀客任拎!另外仲有吸睛嘅爆谷, 新鮮熱辣仲要係我哋都好鍾意食嘅焦糖味, 焦糖爆谷好似係平嘢, 但係我哋真係食完一兜又一兜.
刺身第一盤我哋叫咗帶子, 油甘魚, 劍魚腩, 三文魚, 希靈魚同埋赤蝦. 每款都有四件, 而且十分新鮮. 劍魚腩十分肥美,肉質細膩, 細滑豐膄. 赤蝦大大隻,較爽身, 口感鮮嫩, 啖啖肉. 希靈魚刺身有粒粒黃色的魚籽，口感爽脆，魚籽帶出的味道鮮甜。
雪櫃內除咗有大量不同嘅飲品選擇之外, 仲有冷熱清酒, 梅酒都係任飲添！Sorry sorry, 講漏咗~ 因為係冬天, 仲要有熱櫃, 載住啲飲品畀鍾意飲熱飲嘅客人飲, 裏面有媽媽牌豆奶, 黑豆奶,熱薑茶, 十分貼心.
蒜蓉炒牛舌, 牛舌肉質細膩鮮香味美, 入口有少少即化嘅感覺. 豉椒炒蜆, 佢嘅豉椒炒蜆十分認真除咗用主要配料: 豆豉之外, 仲有三色椒同埋大量嘅蔥, 所以炒出嚟都十分香口, 蜆肉都幾夠大隻. 天婦羅蝦好夠鬆化, 唔會好大陣油味. 燒焦糖菠蘿,有烤焦效果, 菠蘿鮮甜多汁, 汁好似啲bi出嚟咁!
甜品亦不少, 除咗出面有一個甜品櫃, 裏面有各式各樣嘅蛋糕啫喱糖布甸山水豆腐花之外, 旁邊仲有一部自助軟雪糕機, 同埋每人一杯haagen-dazs或者movenpick嘅雪糕, 或者可以點佢嘅自家製甜品例如楊枝甘露, 朱古力雪糕窩夫等等, 鍾意食甜品嘅朋友唔留肚都唔得!
呢度嘅食物種類真係多不勝數, 仲要樣樣選擇都好吸引, 如果係大胃王嘅真係會回曬本呢!
張貼
