米走雞 (太子藍馬之城)

營業中

休息中

之前試過觀塘同銅鑼灣分店，對佢個麻辣湯底有極大既熱愛，因為鐘意佢帶甜。所以專登趁男朋友生日帶佢去食。叫左一隻辣椒，點知食緊雞既時候已經覺得好辣（但之前去銅鑼灣分店食兩隻辣椒又唔覺），但雞肉仍然夠嫩。於是食完雞之後就做左個好錯既決定——加清湯。令到麻辣湯底既精華盡失。雖然牛肉本身仍然係好食，但明明我期待左好耐食呢個湯底加公仔面，而家因為冇左又甜又辣既味道，所以加公仔面都係好一般😭。結論係下次都係要去返銅鑼灣/觀塘分店食！