六両三 (已結業)

主打台式牛肉麵嘅六兩三，湯底經過店主調配，用30公斤牛大骨+72小時心機熬製，湯頭清甜。川味紅燒三寶牛肉麵（牛腱、牛筋、牛肋條）（$80）可選粗麵同細麵，我揀左粗麵湯底清甜，帶少少辣味。粗麵麵身比較粗，所以掛湯力好。牛筋牛腱牛肋條非常軟嫩，好吃！阿宏蔥油拌麵（$45）除左紅燒牛肉麵，乾拌麵都幾好食，滿滿蔥油加粗麵撈勻，好香！最後口痕痕再來一碗滷肉飯（$28），五花肉加滷肉飯汁，甘香而且入口即溶，明明自己飽都食得晒成碗飯！自家製冬瓜茶（$18）微甜，帶少少黑糖味，好解渴！