立体派拉麵 (威靈頓街)

營業中

休息中

一個月內兩次在lunchtime 時間到訪，原因係食物質素性價比高，作為芫茜控莞茜拉麵也頗有噱頭。食評大家可參考其他撰文，今次想講服務質素。兩次嚟臨都係自己一個來食，無吹水時間自然食得快趣。第一次來叫咗個白湯拉麵同柚子汽水，當我坐咗四五個字啱啱先食完碗拉麵，男侍應就遞張單埋來。我汽水都未開始飲，吉枱唔多但仲叫有位，就冇理佢。過多五分鐘，當我仲係飲緊支汽水時，另一位女侍應行埋來又叫我埋單，呢吓就真係火滾。我隔離枱同我差唔多時間來，嘢都未開始叫，仲係喺度吹緊水，你唔催佢落單但你催我?我坐咗半個鐘唔夠就食完碗麵，係咪要懲罰食得快嘅人？我反映完意見佢有向我道歉，我飲完支汽水都好快埋單走今日係第二次來，叫咗個莞茜叉燒拉麵， 由坐低起計三個字已經食完，見有d 肚餓所以舉手示意女侍應，佢只叫我等等。 過咗幾分鐘男侍應就過來遞上賬單，我真係有d 驚訝。 我係想落單，唔係埋單。你哋可唔可以唔好問都唔問就當我埋單？最後我叫多個餃子，快快食完太嬲相都冇影，由入座計真係坐咗半個鐘咁多。食完臨走成間舖仲有一半吉枱，又冇人排隊，我真係唔明有咩咁急住要人埋單。其他同我差唔多時間入座嘅人都仲係食緊嘢，冇見佢哋被人催。