和氣食堂 (黃大仙中心南館)

營業中

休息中

一到餐廳門口已經好快有位俾我哋，坐底發現佢嘅防疫做得唔錯，隔板不但枱與枱之間隔，連凳都隔埋，然後我地叫左6個餸，首先第一個餸黎到，係白咖喱烏冬，呢個烏冬咖喱味好濃，配埋烏冬非常好食，而烏冬係用 稻庭烏冬，另外佢再加配兩舊炸雞，第二道菜係溫泉玉子牛油果凱撒沙律，佢用既菜非常之甜，而且牛油果新鮮，最正係佢隻溫泉蛋，篤穿之後，蛋汁浸滿成碗沙律，之後黎嘅就係刺身，佢竟然有我鍾意嘅海膽同大頭蝦刺身，大頭蝦蝦肉鮮甜，再啜埋佢個頭既蝦膏簡直一流,最值得一提係佢嘅電撃雞翼，雖然係涷食，但佢個味道甜甜哋，非常開胃，到最後上埋個甜品，作為一個完美嘅結尾，係一個抹茶做主題既甜品，佢有抹茶雪糕，同小丸子重有我食到停唔到口既抹茶草餅，煙煙韌韌，非常好食，整體來講，呢間餐廳性價比高，食物新鮮有創意，如果想同朋友去食日本野，不妨一試