影片
更多
2023-03-19
307 瀏覽
適逢白色情人節，同女朋友好好慶祝，諗住搵一間距離市區有一段距離，又唔會太偏僻嘅地方，於是尋訪呢一間想試好耐嘅日式居酒屋。一入門口，聽到無數咁多檯人都係講緊日文，我就知道自己冇嚟錯。先講裝修，佢呢度格局好有和式感覺，主要係由暗紅嘅木色連貫成間鋪，格局分別有壽司吧枱、串燒炭爐吧枱，同埋一般嘅卡位或者散座等等。坐低之後，睇到佢個菜單都五花八門，刺身、串燒、鍋物、天婦羅乜都有做，聽聞呢度食雞好出名，所以嚟到第一樣嘢就係叫雞串燒。點知問咗佢，我最想食嘅雞尾，竟然賣晒… 唔緊要啦，我就嗌咗一串雞軟骨，同埋一個炭燒雞腿，雖然索價都差唔多接近$200 ，真係非常好味，完全感受到嗰種炭焦嘅香味，同時一丁點嘅燶味都冇，我唔係好清楚佢用咗咩雞種，但係一定係肉質鮮嫩，而且有彈性，雞皮食落口係脆嘅，唔會淋啤啤，可以encore。之後嗌咗一個壽喜燒，佢隔離冇咗「廚師推介」嘅標示，果然質素係差一截，唔會有太大期望，不過不失啦，詳細覺得佢啲材料可以多少少咁囉。嗌咗個天婦羅蝦卷，同樣好味，佢埋佢即磨嘅新先山葵，蝦上咗嚟15分鐘都仍然係脆嘅，可見呢度天婦羅師傅嘅功力實在超群。最後唔夠飽，嗌多咗一串蒟蒻燒豆腐，我上網Goo
一入門口，聽到無數咁多檯人都係講緊日文，我就知道自己冇嚟錯。先講裝修，佢呢度格局好有和式感覺，主要係由暗紅嘅木色連貫成間鋪，格局分別有壽司吧枱、串燒炭爐吧枱，同埋一般嘅卡位或者散座等等。
坐低之後，睇到佢個菜單都五花八門，刺身、串燒、鍋物、天婦羅乜都有做，聽聞呢度食雞好出名，所以嚟到第一樣嘢就係叫雞串燒。
燒雞軟骨串
6 瀏覽
1 讚好
0 留言
炭燒雞腿肉
8 瀏覽
0 讚好
0 留言
點知問咗佢，我最想食嘅雞尾，竟然賣晒… 唔緊要啦，我就嗌咗一串雞軟骨，同埋一個炭燒雞腿，雖然索價都差唔多接近$200 ，真係非常好味，完全感受到嗰種炭焦嘅香味，同時一丁點嘅燶味都冇，我唔係好清楚佢用咗咩雞種，但係一定係肉質鮮嫩，而且有彈性，雞皮食落口係脆嘅，唔會淋啤啤，可以encore。
之後嗌咗一個壽喜燒，佢隔離冇咗「廚師推介」嘅標示，果然質素係差一截，唔會有太大期望，不過不失啦，詳細覺得佢啲材料可以多少少咁囉。嗌咗個天婦羅蝦卷，同樣好味，佢埋佢即磨嘅新先山葵，蝦上咗嚟15分鐘都仍然係脆嘅，可見呢度天婦羅師傅嘅功力實在超群。
天婦羅蝦卷
11 瀏覽
0 讚好
0 留言
最後唔夠飽，嗌多咗一串蒟蒻燒豆腐，我上網Google，佢嘅做法大概就係將豆腐搗爛，混入蒟蒻，再重新組合一個形狀，加上燒汁而成，所以食落去嘅口感好得意，有甜甜地嘅豆腐花嘅感覺，但係佢串起上嚟又唔會爛，十分有趣。
蒟蒻燒豆腐
11 瀏覽
0 讚好
0 留言
飲品方面，呢一期做緊一個啤酒沙冰，嗌咗一杯菠蘿味嘅試一試， 唔……我諗都係傳統嘅啤酒啱我多啲。
總括而言，呢一餐飯我食得十分開心，因為好少地方可以喺呢一個價位，做到環境同埋味道都一級棒，有機會嘅話，一定再嚟試！
傳說中嘅啤酒沙冰
17 瀏覽
0 讚好
0 留言
張貼
