影片
更多
2023-01-01
74 瀏覽
今日同朋友咁啱黎尖沙咀行街，行到咁上下就諗住搵間睇落好有氣氛嘅居酒屋坐低傾下計。入黎後發現環境都唔錯，店員彬彬有禮，溫暖嘅燈光襯托下真係一個適合閒聚嘅地方。黎居酒屋都未必要飲酒嘅。我同朋友order左北海道士多啤梨牛乳乳酸仲有蜜桃烏龍熊茶，而呢兩款嘢飲都係上菜前嘅飲品。士多啤梨乳酸味好重，口感豐富而又有層次感，果味清新。我都飲左兩啖朋友嘅蜜桃烏龍茶，有啲淡香嘅蜜桃味道加上醇香嘅烏龍茶，簡直係佐餐嘅不二之選。好快就上左第一道帶子海膽青瓜卷，食落認真有驚喜。新鮮帶子加上帶有淡淡甜味嘅海膽，令我呢個平時唔會點食海鮮嘅人都忍唔住大快朵頤。帶子同海膽都好新鮮，完全無澀味或者苦味，中間嘅青瓜口感清新，同海鮮嘅鮮甜簡直天作之合，值得再試。過左一陣，令人期待嘅天婦羅茄子田樂燒上場了。表面燒至微微金黃嘅茄子灑上香蔥，每一啖都可以讓人感覺到油香味，但又唔會好漏，呢種烹飪手法充分激發出茄子嘅多汁香味，令人欲罷不能，兩個女仔食完咁多都唔覺得肥膩，反而想一食再食。虎蝦麵包蟹粥都係今晚餐桌上嘅重頭戲，呢鍋粥嘅份量甚至可以三至四個人share都足夠。虎蝦大隻之餘肉質都十分有彈性，令人食指大動。蟹肉同蟹膏都好香好濃，
黎居酒屋都未必要飲酒嘅。我同朋友order左北海道士多啤梨牛乳乳酸仲有蜜桃烏龍熊茶，而呢兩款嘢飲都係上菜前嘅飲品。士多啤梨乳酸味好重，口感豐富而又有層次感，果味清新。我都飲左兩啖朋友嘅蜜桃烏龍茶，有啲淡香嘅蜜桃味道加上醇香嘅烏龍茶，簡直係佐餐嘅不二之選。好快就上左第一道帶子海膽青瓜卷，食落認真有驚喜。新鮮帶子加上帶有淡淡甜味嘅海膽，令我呢個平時唔會點食海鮮嘅人都忍唔住大快朵頤。帶子同海膽都好新鮮，完全無澀味或者苦味，中間嘅青瓜口感清新，同海鮮嘅鮮甜簡直天作之合，值得再試。
過左一陣，令人期待嘅天婦羅茄子田樂燒上場了。表面燒至微微金黃嘅茄子灑上香蔥，每一啖都可以讓人感覺到油香味，但又唔會好漏，呢種烹飪手法充分激發出茄子嘅多汁香味，令人欲罷不能，兩個女仔食完咁多都唔覺得肥膩，反而想一食再食。
虎蝦麵包蟹粥都係今晚餐桌上嘅重頭戲，呢鍋粥嘅份量甚至可以三至四個人share都足夠。虎蝦大隻之餘肉質都十分有彈性，令人食指大動。蟹肉同蟹膏都好香好濃，呢度應該係海鮮達人嘅至愛，從粥嘅鮮香、綿滑程度，足見熬製之用心。
最後當然唔少得照燒三文魚頭，啖啖肉之餘煎得好入味，魚皮焦香酥脆，魚肉軟嫩綿軟，七八成飽嗰陣用呢道菜去作結就再好不過了～
另外值得一提，佢哋個佈置除左適合小聚，都係情侶約會或者慶祝生日嘅好地方，環境佈置、餐具都別有心思，下次再經過我會毫不猶豫地選擇呢間餐廳。
張貼
