藏 (已結業)

有位朋友平時好少食日本菜，原因係佢唔鍾意食生冷野，今次搵到一間有熟食餐牌提供嘅日式Omakase woo～是日dinner~今日唔揸車，就會飲少少酒，呢款清酒味道好清新，甜甜地，唔會嗆喉，都幾推介。第一道菜已經即刻係肉，汁煮飽魚個醬汁非常獨特，令到原本有鮮味的鮑魚味道提升一個層次。第二道菜有少少刺身feel，不過都算係熟食，海膽蒸蛋配三文魚籽，能提升整體鮮味，連個蛋都有好香嘅三文魚子味道，當然熱辣辣同滑嘟嘟都係基本。呢個平時少啲食嘅油揚入面就有甘筍、白身魚魚肉、味道比較清新，加上爽口清甜嘅秋葵都好match！鍾意食海鮮一定唔可以錯過龍蝦牛油燒，提升鮮味又夠香，旁邊更有甜栗子及魷魚、黑豆做襯托，如果鍾意清新啲仲可以喺龍蝦上面加上紫蘇葉花，減少油膩感。天婦羅方面有肉有菜，比較得意係側邊有一個天婦羅麵條作襯托，好似一把扇咁嘅裝飾，比較特別嘅係天婦羅帶子，熱辣辣得來同時保持鮮甜彈牙。野菜手卷做法非常用心，裏面都係切好一條條極幼細的野菜，所以食到各款菜的香味烏冬小清新～富有柿和Cream cake味道清新，唔會太膩，都算係吸引。