72
0
0
港鐵銅鑼灣站 C 出口, 步行約2分鐘 繼續閱讀
電話號碼
31253133
營業時間
今日營業
全日休息
星期一至日
12:00 - 14:30
18:00 - 22:30
新春期間 01月25號 - 01月26號
全日休息
付款方式
Visa Master 現金 AE 銀聯 JCB
其他資料
電話訂座
加一服務費
食評 (76)
呢個星期日作為香港人喺銅鑼灣有好重要嘅任務,所以要喺出發前補一補級💪。之前上網見到有間新開嘅日式廚師發辦店,本身想聖誕嚟食餐好嘅,但都係食個lunch試試個質素先。餐廳位置非常方便,喺正銅鑼灣中心地帶,唔使入到新界😅。大堂都已經有聖餐樹裝飾了🎄,靚靚,由搭𨋢開始已經覺得個氣氛好舒服。由於訂咗枱,所以上到去好快店員就安排我哋入座,坐正喺師傅前面,而另一邊就係窗口位,望到大街。星期六日都有提供lunch set ,原來仲有做lunch的omakase($980/pp)添。午餐價格由$260-$480一份,包沙律、味增湯、茶碗蒸同甜品,類別就壽司刺身同熟食均有幾款揀,所以唔食生食都有選擇👍。首先上咗沙律同茶碗蒸先,個沙律🥗好多汁好開胃呀,每塊菜都好充滿麻醬,而且上面啲炸京蔥好好味,炸完無哂浸臭青味,仲有啲似木魚嘅口感。蒸碗蒸同樣好吸引,面頭鋪咗啲蟹肉,連埋個高湯汁勁鮮甜,而且呢個蛋嘅質感無平日蒸水蛋咁實在,口感比較fluffy,密度低啲,入口即溶。太好食喇😋,令我覺得佢好細個,唔夠喉。味增湯2個set都有,如果order丼飯就會先上,壽司set就會後上。呢個都好飲,不過就無乜特別,加分位係有好多豆卜,索湯一流。朋友嗌咗Japanese Sea Urchin Rice with American Lobster($480),因為佢係飯桶喎🍚,所以要嗌丼飯。嘩,個丼勁有氣勢,有成隻美國龍蝦🦞,師傳已經拆好哂肉,配上海膽連埋啲金箔,造型真係拎滿分💯。我偷食咗幾啖,龍蝦肉係熟嘅、唔係刺身,肉質好爽;而海膽更加係令我溶化,好甜好正,完全唔腥。海膽呢樣嘢真係從來都係一念之差,難食嘅可以令你反胃,而相反呢到嘅海膽就正正係好正嗰種😋。至於飯本身,白醋味唔濃,無平日咁酸,唔會搶咗海鮮嘅味,而且比較特別嘅係飯入面撈咗啲蟹柳絲、紫菜同菇。餐廳好貼心,問住我哋啱唔啱食,我個friend勁厚面皮話好食呀,但唔係好夠食🙄。點知師傅勁好人,又真係睬佢,加飯比佢,仲要唔係白飯咁單調,仲話下次我哋開聲就得XD。至於我嚟就係想試下食唔食得過晚市omakase嘅,所以就order咗Premium Sushi Platter($360),因為都係有十件由師傅發辦嘅壽司🍣,加一手卷。師傅一開始會問定我有無乜嘢唔食先,再由佢話事,逐件上,咁樣真係好好,因為可以逐件品嚐,再加上我本身食嘢好慢🙈。由於坐喺bar枱位,所以能同時欣賞師傅嘅功夫。由於掛住食同吹水,所以唔係件件都有影到相。第一件係𩶘魚壽司,師傅喺製作時已經有用上醬油,唔使點任何醬汁已經好好食。第一件好食,已大大提高了我嘅食慾。帆立貝壽司,非常厚肉。呑拿魚醬油漬壽司,最驚呑拿魚多筋,呢件完全無事,有醬油味,但唔會過濃。鰤魚壽司,即係油甘魚,上面有啲魚籽。秋刀魚壽司🥇,我第一次食秋刀魚嘅刺身,原來係咁好食。除咗鮮味外,我鍾意係佢嘅口感,比較爽,唔同其他魚咁偏淋。同師傅傾開偈,先知原來而家喺食秋刀魚嘅季節,仲話今年因為秋刀魚被人大量提早捕捉,導至失收,所以特別矜貴🤭。黑松露甘蝦壽司,蝦肉鮮甜彈牙🦐,大隻到連蝦尾都咁好肉。拖羅壽司🥉,超肥美,嗰種油脂會融入味蕾,真係會用條脷去享受,加上見到拖羅隻粉紅色已經知正。日本馬糞海膽壽司🥈,海膽量成座小山丘咁,上面已經講咗呢到啲海膽有幾好食😋。十件壽司過後,就嚟到最後嘅拖羅手卷,師傅即刻喺我面前搓。拖羅唔洗講😋,我鍾意佢個手卷入面會有啲醃蘿蔔,味道好豐富。每一件壽司都係以厚厚嘅魚生蓋上少量飯量,咁樣仲食得出各種魚嘅鮮味🤤。呢日食咗好多平日好少食嘅魚生,原來係咁滋味,而重點真係要啲來貨靚。店員話啲海鮮真係每日經飛機直送✈️。估唔到食完都幾飽,最主要係好滿足,同有幸福嘅感覺。最後就係跟餐甜品,要咗一份紅豆蕨餅,同一份自家製雪糕。前者做到預期嘅味道,夠煙韌,但唔算好特別。相反估唔到個雪糕🍨係出乎意料之外,呢日係芝麻味,本身我係勁討厭的,但都胃食試啖,點知又ok喎,愈食愈上癮,同個friend交換埋添,哈哈。因為個芝麻清清地,唔係好濃好膩嗰種!總括嚟講,今次喺Kura藏嘅午膳令我好滿意滿足,加上今餐係我請個friend食賀佢升職,俾咗錢就真係想食好啲,果然無揀錯、無令我失望。餐廳裝修簡約得嚟,又不失格調,而且空間感充足,闊落,好似有好多area劃咗做包箱。服務方面亦無可挑剔嘅地方,一坐低店員就已經送上熱毛巾,其中一位束馬尾嘅女店員更好好客,埋單時送上coupon,並介紹埋晚餐嘅幾種omakase set有乜分別,講到我都好想食啊🤤。另外,serve我嗰邊嘅師傅亦好nice(仲幾靚仔),間唔中會同客人傾偈,成個氣氛好舒服好causal。價目方面,餐廳走高檔路線嚟講算性價比高,食好少少嘅lunch而家都要$300up,而晚市有3款omakase,最貴嗰種都只係$1680,一啲都唔誇張,即係過時過節呀生日食下都唔過份嘅😊。最後,講多次就係食物味道真係好高質,老實説,個人認為壽司set比起龍蝦丼更出色同抵食👍,每一件壽司每一種魚都好好食,而且食呢個set其實都同食omakase都有啲似啊。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-16
1268 瀏覽
中午同事生日,想好好同佢慶祝,所以千揀萬揀揀咗銅鑼灣呢間藏,午市食omakase比晚市比左成三倍,想低消費高享受都可以考慮吓中午過嚟。午市都有10款套餐可以揀,一早睇中左佢哋嘅10貫套餐,講就講話係套餐其實根本上同omakase 冇咩分別師傅會一早問定有冇D咩特別唔識或者特別想食跟住再根據當日食材提供10款唔同嘅壽司俾你。 仲要係一件一件咁樣想食完一件先上另外一件。 中托羅 入口即溶,色澤紅滿,放喺口腔幾秒佑香爆發晒出嚟 池魚頗彈性及咬口 唔會有腥味 反而格外鮮甜刺身帆立貝大大粒好飽滿,上面陪有少少柚子非常之清香燒碟魚裙邊感覺上同左口魚有些少相同,食落因為燒過魚油香好正池魚仔軍艦平時食得多吞拿魚蓉軍艦,未試過食池魚仔,估唔到幾新奇同埋味道都幾夾北海道馬糞海膽重頭戲黎啦,呢個海膽非常非常之鮮甜,食落去又夠creamy 真係一件都唔夠想encore多一件另外仲有𩶘魚,吞拿魚卷,呢個午市半omakase 超級推介 朋友就叫咗個伊勢海老海膽丼,啱啱食壽司嘅時候海膽壽司唔夠喉,估唔到呢個丼飯居然有咁大份北海道馬糞海膽,一啖海膽一啖壽司飯簡直高級享受,海膽嘅鮮甜一直喺口腔醞釀。另外呢個飯仲有另一個特點就係佢哋嘅龍蝦,龍蝦爽口彈牙,師傅仲會另外喺龍蝦殼不啲蝦膏出嚟,蝦膏撈飯,正食完之後仲會有缺餅食,黃豆粉好香淡淡豆香再配上紅豆蓉完美作結。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-11
1194 瀏覽
最近朋友介紹話銅鑼灣有間新開日本菜餐廳「藏KURA」嘅午餐好高質,今日放假我都去左朝聖一下!餐廳位於謝斐道,鄰近銅鑼灣站,地理位置方便易達。內部裝修簡約高尚,充滿和風感覺,置身於此令人好舒適悠閒中午時段設有Lunch Set,選擇有壽司🍣、刺身丼飯、天婦羅、各類熱食等等,價錢由$260起沙律🥗雜錦菜沙律好新鮮爽脆,面上加左適量芝麻醬同炸洋蔥絲,令到個沙律更加美味茶碗蒸蛋熱騰騰的茶碗蒸蛋,好嫩滑呢,蛋味好濃郁香甜,蒸蛋面上有少許蟹肉絲,裡面仲有冬菇同雞肉粒,夠晒鮮味!日本和牛稻庭烏冬+壽司三件半生熟的日本和牛有2-3大塊,入口香軟腍滑,牛肉味好濃郁。稻庭烏冬超級滑溜,入口煙韌彈牙,好好食!壽司三件烏冬套餐會跟三件壽司,油甘魚好有魚鮮味;黑松露甜蝦好棉滑,陣陣松露香~旁邊嘅子薑片加左少少柚子,微微酸甜,唔會太辣海膽龍蝦丼呢個丼飯嘅賣相非常吸引,堆滿左龍蝦肉及海膽,仲有金箔!美國龍蝦🦞用慢煮的方法烹調,原隻龍蝦去殼拆肉,方便食用,保留左龍蝦肉嘅鮮嫩、彈牙及鮮甜,龍蝦膏仲好creamy添,不得了呀!日本海膽入口即溶,好新鮮,非常高質素麵豉湯鹹香麵豉湯好足料,有蔥花、豆腐同油揚豆腐,熱辣辣好暖胃甜品跟餐最後仲會有甜品:黑芝麻雪糕或日式蕨餅,我地兩款都點左一個黑芝麻雪糕雪糕質感好細滑,入口係濃濃的黑芝麻同奶香,兩者比例均一日式蕨餅沾滿黃豆粉的蕨餅有三小塊,口感軟糯,沾上旁邊的黑糖及蜜紅豆一齊食用味道更佳 繼續閱讀
(以上食評乃用戶個人意見 , 並不代表OpenRice之觀點。)
餐廳:藏 (銅鑼灣)地址:銅鑼灣謝斐道482號1樓遊行前去到謝斐道482號1樓號Kura藏食晏,由於係朋友介紹話好食😋,所以點都要黎試下,餐廳唔算大,座位寬敞私隱度高🧸,仲有得坐係師傅面前欣賞佢地整日式料理嘅功架同傾下偈Premium Sushi Platter 壽司10件定食 $360Omakase係日本指「師傅發辦」👨🏻‍🍳,通常品嚐高級日式料理先會見到,師傅會揀選當日最優質嘅食材去整10件壽司🍣。師傅一件一件慢慢送上同介紹,食完一件先會整下一件,非常好服務😋,今日就試到池魚、赤貝、拖羅、𩶘魚、鰤魚、北海道馬糞海膽、金目鯛魚、伊佐木魚、鰈魚邊同黑松露甘蝦(師傅介紹希望無記錯😂),每一款食材同飯都係好新鮮高質😍,oishii~Japanese Sea Urchin Rice with American Lobster 海膽龍蝦丼定食 $480另外叫左個餐廳主廚嘅首本名菜,餐廳選用即叫即拆嘅美國波士頓龍蝦🦞,仲為食客起哂龍蝦肉😍,龍蝦肉質肥美鮮嫩,再配埋北海道馬糞海膽、蟹柳絲、紫菜同白醋米飯一齊食,好睇又好食雖然餐廳得十三款午市定食,但款款都吸引高質,仲包埋沙律🥗、茶碗蒸、麵豉湯🍲同甜品🍨,作為香港人點都要一試享受下呢到嘅食物、環境同服務 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-22
2475 瀏覽
今日放假跟女友去sogo行下,在附近找個地方食午餐,剛巧記起附近有有間日式高級料理,好想試下,就過去上到來好闊落,感覺好舒服,店員安排左我地坐bar抬睇了一會menu就決定落單每份lunch set也有沙律、茶碗蒸、味噌湯及甜品和風沙律-有火腿,沙律菜,清新,開胃茶碗蒸-蒸蛋超滑,加上有一層薄薄的芡汁令味道同層次提升Japanese sea urchin rice with American lobster 師父話龍蝦係新鮮,而非冰鮮,坐bar枱仲可以見到師父為我把龍蝦拆肉,並把龍蝦膏用一個小碟盛起,分開另上給我,服務超好,超窩心龍蝦肉爽甜,師父上碟前切成粒狀,一啖一粒,再配上北海道馬糞海膽,香氣撲鼻,還有一些金箔作點綴,整個飯,華麗而且超高質而女友選了Premium sushi platter-有壽司十貫加一手卷估唔到用類似omakase食法,逐件上就係omakase食法𩶘魚- 師傅已在魚上沾了醬汁,味道較得非常好北寄貝- 師傅在北寄貝上加了幾刀,令客人更易吃到,口感更好鰤魚-魚味很重,非常鮮美金目鯛- 油份豐富,燒一燒更香氣四溢伊佐木-味道鮮甜彈牙,加上火炙效果,魚皮的脆,魚肉的鮮,一次過混在口中深海池魚- 壽司上加了些少柚子,令層次更多碟魚邊- 油香重,而爽身,口感特別,整塊紫菜包著壽司,有軍艦的感覺黑松露甘蝦-甘蝦大大件,仲要有兩隻,配合拖羅-入口即溶,超香,超好味北海道馬糞海膽-海膽份量超多,一口吃,富貴而且霸氣最後的手卷,從師父手中接過來,味道好豐富,香脆的紫菜內有一層薄薄的飯包著一些魚蓉,好好味另外,壽司薑都係師父自家醃製,有柚子,清味之餘,仲有好清新嘅感覺甜品-蕨餅-煙韌有嚼勁,配合黃豆粉更好吃自家製椰子雪糕- 椰子極濃,極香,有椰肉絲,味道和口感也很好 繼續閱讀
(以上食評乃用戶個人意見 , 並不代表OpenRice之觀點。)