天魔 (已結業)

和朋友相約於屯門v City，順便食過快餐就去shopping，見到v city樓下嘅天魔，啲嘢食都幾吸引，咁就坐低喺度食，叫咗個厚厚豬肋骨，韓式XXL三文治, 一杯dirty咖啡，一杯玫瑰special咖啡，一個brownie再加雞翼，首先嚟嘅三文治同埋雞翼外表都好吸引，食落去雞翼竟然可以做到外脆內軟，又多肉汁再加埋韓式嘅燒醬十分美味；三文治真係夠曬巨型，亦都有脆脆嘅多士麵包夾住雞蛋和午餐肉等嘅材料，食落去你哋都唔錯；跟住就嚟兩杯咖啡，老闆重專程出嚟教我哋點樣飲，Dirty要一大啖咁樣飲，千祈唔好搞，咁又真係幾特別咖啡熱鮮奶凍；玫瑰special就要攪勻先好飲，真係好香玫瑰味，兩杯咖啡嘅質素都好香滑順喉；跟住再嚟就喺厚厚嘅豬肋骨，色澤焗得好好，好吸引，切開仲係粉紅色嘅，證明真係慢煮，食落嚟都好冧好入味，仲有兩條㖭，真係飽曬；最後來過朱古力brownie，好香濃嘅朱古力味，亦都有唔同嘅層次，真係一間有驚喜嘅小店。