影片
更多
2024-02-14
59 瀏覽
今日同朋友放咗工就諗住去搵吓好嘢食放鬆吓，於是今次就嚟到一間喺旺角樓上嘅日本居酒屋。一入去就發現餐廳都幾大同好靚，有卡位同bar枱。我哋就被安排坐喺Bar枱，可以欣賞到廚師嘅手藝。餐廳嘅裝潢都係日式為主，有日式燈籠同埋壁畫，俾你有種好似去咗日本嘅感覺。今次我哋就叫咗都幾多嘢食，有名種燒物同天婦羅同埋壽司，全部味道都好驚喜，好高質！首先嚟咗一碟拖羅海鮮豪華泰卷，卷物入邊有充滿肥美嘅拖羅，而上邊就鋪滿邪惡嘅海膽。本身壽司飯亦有調味，而溫度亦都適中。一放入口，海膽鮮甜，加上拖羅嘅油香，好滿足。然後再嚟燒菠蘿，菠蘿燒得非常之甜同Juicy，好開胃。雜錦天婦羅就有蝦同埋一啲蔬果，例如茄子、番薯同香菇。全部都炸得非常出色，外衣唔會過厚，薄薄一層，做到入面食材仍然保持濕潤唔會乾身。串燒方面：我哋叫咗五花腩、活慢小串、香辣牛肉、青椒蝦滑、明太子翠玉瓜、手羽仙同埋燒豆腐。我尤其鍾意燒豆腐，豆腐燒得外脆內軟，外邊亦都post左一層自家製嘅麵豉醬，非常之惹味。另外香辣牛肉都好出色，辣醬好出色，好香口，加上牛肉唔會燒到好乾身，好食。另外難度高嘅燒手羽先，我亦都好滿意，外皮脆入邊亦都保留雞肉嘅肉汁。最後我哋亦都
今次我哋就叫咗都幾多嘢食，有名種燒物同天婦羅同埋壽司，全部味道都好驚喜，好高質！
首先嚟咗一碟拖羅海鮮豪華泰卷，卷物入邊有充滿肥美嘅拖羅，而上邊就鋪滿邪惡嘅海膽。本身壽司飯亦有調味，而溫度亦都適中。一放入口，海膽鮮甜，加上拖羅嘅油香，好滿足。
然後再嚟燒菠蘿，菠蘿燒得非常之甜同Juicy，好開胃。
雜錦天婦羅就有蝦同埋一啲蔬果，例如茄子、番薯同香菇。全部都炸得非常出色，外衣唔會過厚，薄薄一層，做到入面食材仍然保持濕潤唔會乾身。
串燒方面：我哋叫咗五花腩、活慢小串、香辣牛肉、青椒蝦滑、明太子翠玉瓜、手羽仙同埋燒豆腐。
我尤其鍾意燒豆腐，豆腐燒得外脆內軟，外邊亦都post左一層自家製嘅麵豉醬，非常之惹味。
另外香辣牛肉都好出色，辣醬好出色，好香口，加上牛肉唔會燒到好乾身，好食。
另外難度高嘅燒手羽先，我亦都好滿意，外皮脆入邊亦都保留雞肉嘅肉汁。
最後我哋亦都加咗一道燒蠔，當日嘅蠔都好肥美飽滿，可以食到肉質鮮甜，加埋一啲辣椒同蒜蓉嘅調味，令味道更豐富。
成餐我都食得好滿足，加上環境舒服好錯，好啱同三五知己一齊嚟開支酒叫啲串燒或者蠔一齊分享、傾吓偈。
張貼
