舍利鮨 (已結業)

全晚既海鮮同壽司其實都好難忘，首先係千葉縣地金目鯛，配醬油同wasabi食，佢既肉質比較細嫩，味道較其他魚類刺身清新，有種好fresh既感覺，跟住飲左佢跟個大蜆清湯，呢個真係好好飲，啲蜆大大隻而且連埋個湯一齊飲超清甜，熱飲又暖胃，係一個好好既前湯，深海池魚亦係我個人好喜歡既另一種刺身，佢既口感則係爽口啲，油脂份量較多，肉質相對上比較肥美，好多時omakase既餐廳先會食到，普通壽司店都無得食架！醬油生蟹都係好值得一提，好滑溜溜，只有呢個方法你先真正食到蟹既鮮甜味，而且唔洗驚佢好腥好難入口，個朋友未試過食生蟹都覺得好好味，仲有沖繩野生大拖羅同中拖羅，一食落口個種幸福感即刻湧出黎，超級滿足呀！淡淡既醬油味為拖羅調味得恰好，唔會蓋過左拖羅自身既鮮甜味，無唸過係元朗都會食到咁高質素既omakase😋😋