薄荷葉泰國菜

營業中

休息中

家庭聚會太多人，被安排咗坐入房，環境好闊落，啲凳坐得好舒服，唯一缺點就係叫侍應個時比較麻煩。食物整體嘅水準都好高，每一樣嘢食都係即叫即整。小食方面，炸蝦餅爽口彈牙，脆得黎唔會太油，生菜包嘅肉碎夾埋啲香料味好惹味，鹹得來又夠酸，加埋好新鮮嘅生菜一齊食，絕對係開胃之選。最令我驚喜嘅係冬陰功湯，無論係酸度定係辣到方面，呢一煲冬陰功湯都比香港一般嘅泰國餐廳更加重手，同時啲海鮮嘅鮮甜味都溶入晒係個湯入面，成煲都係精粹。好特別嘅係燒雞，成隻燒雞豎係碟上面，再加埋火焰表演，呢種上菜嘅形式都幾特別幾深刻，但係味道就正常發揮。