374
60
48
電話號碼
24755872
開飯介紹
元朗區平靚正泰菜餐廳,海鮮系泰國菜用料夠新鮮而且做法正宗,另外餐廳有室外座位有泰國街檔風味。 繼續閱讀
特色
適合駕駛人士
包場派對
營業時間
今日營業
15:00 - 00:00
星期一至日
15:00 - 00:00
付款方式
Visa Master AE 現金 支付寶
座位數目
100
其他資料
酒精飲品
自帶酒水 詳細介紹
泊車 詳細介紹
電話訂座 詳細介紹
外賣服務
加一服務費
室外座位
電視播放
吸煙座位
當面支付
食評 (562)
等級4 2018-04-25
1546 瀏覽
早前和妹妹閑聊時提起吃過元朗薄荷葉,我們異口同聲盛讚食物高質,魔鬼魚、燒羊架和特色蝦醬炒飯尤其出色,回味無窮。聽說餐廳在元朗屹立了很長一段日子,主要做街坊生意,透過食客和網上口碑相傳,也有不少市區人慕名而來。而我也是因為網上食評介紹其蝦醬炒飯而特地前去品嚐。那天和男友在平日晚上來到餐廳,這裏有露天座位,佈局其實更像酒吧。附近環境很幽靜,不時也有行人帶著狗仔散步,非常悠閒。除了炒飯之外,也點了生蝦和羊架。餐廳上菜上得非常快,而且所有菜式幾乎同一時間送到。生蝦刺身起得非常薄身,蝦身晶瑩透澈,味道鮮甜爽口,吃得出來非常新鮮,配著具有獨特香葉芳香和酸酸辣辣的泰式風味醬料來吃,生蝦味道更有層次。生蝦是我到泰國餐廳幾乎必點的菜式,它與日式魚生點芥末吃,有點雷同,但其中風味又各自各精彩。泰式燒羊架也做得非常不錯。羊架燒得很香,肉質軟滑。羊架屬於非常難處理得好的一道食材,處理不當很容易吃起來過硬而失去口感,而且祛騷味更是最考廚師手勢的關卡。這個羊架的巧妙,又或者說是它的精髓,應該就是它的醬料-獨特的香菜味或剛好的酸辣味完全地祛掉羊架任何腥騷味,甚至是提升了羊的味道,非常精彩,絕對推薦!當然不能不提這道特色蝦醬炒飯,如果不是看到食評介紹這道菜,就沒有機會嚐到這餐美味的泰國菜。職員不時走過來提醒我們要趁它還熱時,把碟裏面的炸魔鬼魚尾搗碎,再根據自己口味把旁邊的醬料和飯一齊拌勻。這麼漂亮的擺碟還真不捨得把它搗勻。炸魔鬼魚脆卜卜,和蝦醬炒飯一起吃,非常香口好味。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-02
983 瀏覽
每年我地3個都會慶祝生日🎂今年都吾例外,3月份是其中一位好友生日,而佢今年就想食泰國菜,見尼間元朗就大家就腳又未食過又幾出名所以揀左佢另一位好友預約左,我地落訂個甜品來為壽星增添驚喜終於到左今晚去到發現原來是地鋪中開放式店有室外同室內既座位,燈光偏暗有點酒吧既感覺...我地預約左晚上7點左右,人流不算多。我地坐係室內與室外之隔陣陣涼風吹過坐下睇menu先來了個前菜《涼拌青瓜》夠入味小小辣 不錯我地每人點左個《泰式特飲》$30壽星點左杯士多啤梨特飲,味就吾太似士多啤梨,不過就好香好似平時乳酪飲品既香料味甜甜地,其實不錯的我地就點左兩杯番石榴特飲好正有果肉真係石榴香特飲都幾大杯尼個係細size既《冬蔭公湯》$88味就夠,不算太辣又吾會太酸,不過就太少料3-4人份量左右尼個木桶就係《特色菠蘿🍍飯》$98上面有肉鬆同好多菠蘿粒同大蝦等甜甜地個飯好開胃,個飯超多,夠4-5人食,我地3個都食吾晒原本想試馬拉盞炒椰苗,諗住試下未食過點知賣晒最後轉左《馬拉盞炒通菜》$88味夠但好普通既一碟炒菜,吾夠惹味蝦味不太重同無咩辣最後滿心期待既《火🔥焰燒雞》$148 初頭有位職員話點左火俾我地影下相先,點知另一位職員點得好細火同我睇到平日既火焰🔥差好遠,之後叫佢點大d個火佢話吾得之後未問我地就切左隻雞,滿心期待拍片影隻火焰咩都影吾到超失望未問我地就將隻雞切成一舊舊了幸好隻雞比我地想像中好食,肉質外脆內嫩,好惹味好多肉食吾晒最後有位職員好用心幫我地上預訂左既甜品同在餐廳內播埋生日🎂歌俾壽星,超驚喜的獨家甜品好好食由平日食開既煎薄餅包住cream 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-11
2792 瀏覽
今日突然心血來潮好想食泰菜,經朋友介紹之下就嚟佐依間位於元朗嘅薄荷葉泰國茶餐廳。😃😃外面望入去個感覺好似一間泰國式嘅酒吧,有露天座位同室內😎😎室內配上有泰國特色嘅吊燈同擺設,成個感覺令人真係好似身處係泰國咁😎😎餐牌上有傳統嘅泰菜亦都有唔少加入新元素嘅菜式,最後都係決定食返比較傳統嘅泰菜。首先係生茶肉碎包(豬肉)😍😍份量好足,碎肉多汁炒到好香,翠綠色嘅生菜夠新鮮,味道岩岩好唔會太咸,肉碎當中有少許嘅辣椒又辣又惹味越食越辣🤤🤤生菜包住滿滿嘅香肉碎食落真係好滿足!😉😉再嚟食泰國菜又點少得叫咖喱呢❤❤咖哩椰汁味好重,唔辣偏甜嘅咖哩,最出色係個薄餅👍🏻👍🏻外皮脆口食落仲好軟熟,沾佐咖喱嘅薄餅,特別好味,絕對係一絕嘅搭配😆😆從來未食過咁出色嘅薄餅!最後就係本店招牌菜之—豬仔脾,賣相一流有好多沙律菜墊底😄😄唔會話剩係得肉,外面燒到有少少脆但肉又唔會變得好硬身,再加埋啲甜酸汁係面味道更上一層樓😋😋而且食落仲有陣特別嘅香料味,正😯😯最方便係豬仔脾用錫紙包住,可以就咁攞住嚟食,認真體貼,抵讚👍🏻👍🏻伴碟嘅沙律菜亦都好新鮮,店員話原來依到大部份嘅菜同埋香料都係老闆娘自己係流浮山種嘅,全部都係有機菜,難怪咁新鮮啦!😁😁元朗出名多美味泰菜,以後想食泰菜又有多個選擇啦!😄😄 繼續閱讀
(以上食評乃用戶個人意見 , 並不代表OpenRice之觀點。)
天寒地凍泰國菜 焦點食評
等級4 2018-01-11
1105 瀏覽
剛剛在元朗新體育館打完波,天寒地凍我們就過了對面的薄荷葉泰國菜用餐。我們一坐下,他們就放上前菜是酸辣青瓜。 勁夠酸辣,令打完波的我十分醒神。本來我哋係要酸辣鳳爪沙律,但係落完單後三心兩意的我們,看到餐牌的另一頁mint special order有個酸子炸豬手好想試試,所以馬上舉手改柯打。細冬陰功湯, 兩隻中蝦切開一半,如果四人的話,足夠每人一碗。我們祇有兩人,所以每人飲了兩碗。斑蘭雞咖喱,有斑蘭的清香,佢係上面有些椰奶,所以不會太辣。雞切到一粒粒,好容易入口,方便薄餅包起一齊食,薄餅有四塊, 可以加上薄荷葉,增加層次感。新食法的炸🐷手,外面有一層有很薄的炸漿,好鬆化。這樣的煮法比一般炸豬手更容易切開,保留🐷肉的鮮嫩。酸子醬應該是泰式特別的醬料吧,味道跟🐷手很配合。旁邊有炸珍珠菜,可以連埋豬手一起吃。還有紅醬,青醬,兩款辣椒應該是不同,同樣地酸酸地和辣椒勁辣。青醬比紅醬酸度更高,我較喜歡。冬天天氣寒冷,原本也想坐在外面,他們有暖爐,但是怕食物很快涼掉,所以還是坐在室內,食物還是要趁熱食。滿分為10分(1分最低,10分最高)食物:8環境:8衛生:8服務:8.5價錢: 8舒適度:8總分:8歡迎互相交流: cchappymoment@gmail.com 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-03
2390 瀏覽
今日去了元朗大會堂睇完表演,行到附近見到呢間泰國菜館幾有情調,好似泰國街頭嘅小店,所以就同朋友決定係呢度食晚餐。打開餐牌,發現原來菜館係用自己種既香料來煮餸菜,所以未叫餸菜已好期待。首先梗係揀我最鍾意既冬蔭公湯,個湯配料好多,有兩隻大蝦、辣到適中,而且有好香椰汁味,好開胃。甜柚鮮蝦,上碟時個賣相好靚,好有層次感,見到已經食慾大增,甜柚肉同大蝦都好新鮮,再加上有好多芽菜,食落爽口,加上少少酸既汁,好好味。肉碎生菜包,份量好足,碎肉多汁,又辣又惹味,生菜好新鮮,包肉碎吃好juicy。然後係今晚嘅重點,咖喱大蝦,再配薄餅四件,大蝦炸完後好香脆,再加上咖喱汁好香好濃味,而薄餅上碟時擺到好似朵花咁,很有心思,侍應教我地撕鬆d薄餅再點咖喱汁會好味d,果然真係入味d,好鍾意個薄餅比較乾身,唔會太油膩加埋咖喱汁,果然係絕配。再食埋個馬拉盞炒椰菜苗,很惹味。飲品方面,我地試左Yakult Mix,益力多加Corona Extra,都幾特別、幾fresh。餐廳座得幾舒服,店員親切,餸菜質素很好,很滿足的一餐。 繼續閱讀
(以上食評乃用戶個人意見 , 並不代表OpenRice之觀點。)