影片
更多
2013-06-06
11 瀏覽
本人一向不喜歡批評別人，更未試過在網上留言聲討一間餐廳，但這次極受侮辱的經歷，真的是忍無可忍！以下整遍文章沒有誇張失實，純粹以事實陳述。早在多年前，薄荷葉還在安興舊舖時，我已經是那裡的常客。舊老闆親切的態度和出色的泰式食品在當時的元朗可謂獨一無二。但自從搬遷到現址，種種服務都開始變質，再加上更多的泰式餐館開張，已甚少光顧這間了。上星期心血來潮地再次光顧該餐廳，得來的是一段極不愉快的經歷。以下是當日其中一位同行朋友的敘述：－------------------------------平時都好少會寫食評，但今次同朋友黎呢間餐廳既經歷確實太令人氣憤！希望各位食客認清呢間食肆既質素！本食評無食物既介紹，因為係我地停留該餐廳既一個多小時內一Ｄ食物都食吾到！尋晚同友人一行３人到薄荷葉食晚餐，友人比我早到，大約８點鐘已入座而且已經點了菜。後來我遲了十五分鐘到達後再多點了一個蝦餅同泰啤。等左４５分鐘後除左飲品之外一樣食物都未有上菜，找其中一位服務員催促既時候一點都吾helpful，態度差加黑面話今日係星期六人多做吾切為由敷衍了事。等待良久，左右隔離檯既食客都還比我地遲入坐，但我地眼見佢地亦已經開始有數
早在多年前，薄荷葉還在安興舊舖時，我已經是那裡的常客。舊老闆親切的態度和出色的泰式食品在當時的元朗可謂獨一無二。但自從搬遷到現址，種種服務都開始變質，再加上更多的泰式餐館開張，已甚少光顧這間了。
上星期心血來潮地再次光顧該餐廳，得來的是一段極不愉快的經歷。以下是當日其中一位同行朋友的敘述：－
------------------------------
平時都好少會寫食評，但今次同朋友黎呢間餐廳既經歷確實太令人氣憤！希望各位食客認清呢間食肆既質素！本食評無食物既介紹，因為係我地停留該餐廳既一個多小時內一Ｄ食物都食吾到！
尋晚同友人一行３人到薄荷葉食晚餐，友人比我早到，大約８點鐘已入座而且已經點了菜。後來我遲了十五分鐘到達後再多點了一個蝦餅同泰啤。等左４５分鐘後除左飲品之外一樣食物都未有上菜，找其中一位服務員催促既時候一點都吾helpful，態度差加黑面話今日係星期六人多做吾切為由敷衍了事。等待良久，左右隔離檯既食客都還比我地遲入坐，但我地眼見佢地亦已經開始有數樣食物上檯更令我地顯得不是味兒。跟旁邊比我地還遲入坐既食客同樣點了一份豬肶，但竟然係先比左隔壁檯先！在旁既食客好禮貌咁同待應講：「好坦白講我地真係遲過人地入ＯＲＤＥＲ，人地都仲未有得食不如你吾好放落黎啦」但待應依然係無動於衷，莽顧食客們既感受！係等左成個鐘後都未有得食而所有服務員對我地既說話充耳不聞既情況底下，我地唯有叫老闆過來直接反映，但換來既卻是更差既體驗！！
老闆過來我地解釋比佢知我地當時既情況，無野食加出菜混亂已經成肚氣，但我地作為食客已經克己地表現我地既不滿，佢話比點時間佢地整，我地只係講左一句：「已經比左一個鐘你地整」之後老闆就開始上火，用極不友善，可以話係用「兇」既態度話：「咁你都要比機會我去整嫁，你唔比時間我點去同你跟呀，岩唔岩呀！」之後走開左仲要用好兇既眼神回眸我地３人，令到我地已經受氣受到吾想再係呢間餐廳多留一分鐘！作為老闆幫不到手仲要比番說話同面色比客人呢種咁既態度完全絕對不能接受！立刻埋單離開！
出外食飯無非都係想食得開心，但總括而言除了食物質素外（因為根本無機會試）呢間餐廳既服務態度同系統嚴重有問題：
（１）出菜次序極度混亂，同樣食品出比遲點菜既客人，出錯野比第二張檯既事亦有出現
（２）看過其他食評都有提及到－服務員態度惡劣、解決問題能力欠佳
（３）最重要一點身為老闆打開門口做生意，不能以身作則讓客人「更受氣」！餐廳食物幾好食幾新潮食客食完都背脊骨落！
------------------------------
我相信敘述中的老闆是舊老闆的後人，他當時的回應已是惡劣得在我們想像之外，完全不懂反應。過程中，我們雖然態度極不滿，但並沒有說過一句粗言穢語。當時我感到被羞辱，被忽視和被惡意恐嚇。一間打開門做生意的餐廳可以有這樣的“服務”，小弟一生還是初次見識．．．．．．
寫這段的目的在於讓大家認清該餐廳，更重要的是當事人看到能檢討反省，不致於敗壞舊老闆的招牌。希望大家能在那裡得到改善的服務，但本人已徹底放棄了薄荷葉這個情意結了。
張貼