一匠 (已結業)

今次同朋友去左元朗大馬路附近搵好野食，黎左大阪頭徑既一間日式居酒屋，入到去都好有氣氛，環境細細但都坐得好闊落。唔知揀咩食就當然係揀套餐，揀左精選二人套餐，入面都幾多野食同埋幾抵食。首先有前菜凱撒沙律，好高好大盆，麻醬好香，沙律菜食落好新鮮亦好開胃。炙燒戰車，冇影到入面仲有好多蟹膏好香濃。日本燒蠔，有四隻大大隻，好肥美鮮甜，咬落去香嫩多汁，加埋蒜蓉燒令到佢更加香。鹽燒五花肉，燒得好香口，有少少脆脆地，油脂味剛剛好，夠濃味，配埋啤酒食一流。酒糟乳鴿，都幾大隻，帶有淡淡酒香，肉質鮮嫩。牛柳粒烏冬，好大碟下，炒得香噴噴，牛柳份量都好多，肉質都好鮮嫩，好夠濃味。呢隻酒值得一試，入面加左好香既士多啤梨味，仲帶有少少粉紅色，甜甜地好易入口，一啲苦味都冇。