亞萊嘜嘜 (已結業)

很久沒去元朗，今天和舊同事聚舊，專誠驅車入去逛逛，朋友說元朗有間人氣泰菜餐廳，經常排長龍，問我試唔試，咁遠入黎梗係試下喇。大約晚上七點黎到，果然要等位，好彩唔算太耐，廿分鐘到就安排入座，餐廳分地下和一樓兩層，我地被安排上一樓。餐牌有齊各式泰菜，選擇相當之多，我同朋友研究左好耐，決定都係揀二人餐。二人餐可半價轉特飲，我揀左椰汁紅豆冰，紅豆勁多而且夠晒腍，椰汁珍多冰入邊椰汁糕條亦唔錯。第一道是青木瓜沙律，生菜墊底上邊是青木瓜絲，芽菜同花生，淋左泰式辣汁，正宗泰式風味，辣得黎頗惹味。椰汁雞湯，湯底奶白色，味道是冬蔭功味，但因為加左椰汁，中和左辣味，味道很佳，加埋入邊有滑滑雞肉同蕃茄，正。咖哩牛肉，泰式咖哩汁很惹味，牛肉亦新鮮夠晒腍配埋泰式油酥餅簡直係絕配，油酥餅煎得香脆，餅底鬆軟蔗蝦，炸得非常香脆，蝦肉超級彈牙，很有蝦肉味，配泰式酸辣汁更美味。馬拉盞炒雜菜，炒得超有鑊氣，芥蘭同椰菜新鮮爽脆，馬拉盞夠晒惹味，食泰菜真係唔少得呢味菜。埋單更有甜品贈送，椰汁西米糕很香滑，大菜糕亦不俗。此行入元朗能試到咁有質素泰菜，算是今次和朋友聚舊的意外收獲呀。