影片
更多
2022-11-30
264 瀏覽
稚 Childhood📍元朗俊賢坊18號權益大樓3號舖稚，住大西北嘅朋友已經推介過我食呢間餐廳好耐，話午市定食套餐好抵食。今晚朋友嚟搵元朗接我放工，我靈機一觸，諗到叫佢陪我嚟食，等我唔洗諗幾時要自己一個去食咁無癮。好開心終於食到呢間元朗人氣日本菜，我好鍾意佢嘅定食俾到一種日本嘅家庭感我，店內又有大量動漫裝飾同播住日文歌，令好鍾意日本文化嘅我哋有種放工後就有飯食嘅幸福感。 💰$42味淋魚干 🐟呢個味淋燒魚干係稚嘅推介燒物之一，佢表面燒得比乾身，有少少焦香，但內裏仍有魚汁，唔會乾爭爭，好好食！我同朋友邊食邊傾，點埋鹹味沙律醬一齊食，眨吓眼就食晒成碟，真係好食到想加單！不過因為其餘兩份定食實在太大份，所以我哋如果叫多客，都未必食得落。 💰$68 (+$30 可升級定食)豚肉生薑燒 🍱生薑燒嘅肉量多到你唔信，話有多過30嚿都唔算誇張，而且同坊間大多嘅豚肉燒唔同，佢唔係用啲火鍋肥豬肉片嚟炒，而係比較厚身嘅豬肉煮成，肥瘦均勻，食多煮唔覺漏！而且，係真係會食到一粒粒嘅生薑粒，夾埋豚肉一齊食變得清爽，醬汁濃而不膩，送飯一流！ 💰$76 (+$30 可升級定食；+$10 可轉貓飯)招牌蒲燒鰻魚 (半條)
📍元朗俊賢坊18號權益大樓3號舖
稚，住大西北嘅朋友已經推介過我食呢間餐廳好耐，話午市定食套餐好抵食。今晚朋友嚟搵元朗接我放工，我靈機一觸，諗到叫佢陪我嚟食，等我唔洗諗幾時要自己一個去食咁無癮。好開心終於食到呢間元朗人氣日本菜，我好鍾意佢嘅定食俾到一種日本嘅家庭感我，店內又有大量動漫裝飾同播住日文歌，令好鍾意日本文化嘅我哋有種放工後就有飯食嘅幸福感。
[價錢 Price]
💰$42
味淋魚干 🐟
呢個味淋燒魚干係稚嘅推介燒物之一，佢表面燒得比乾身，有少少焦香，但內裏仍有魚汁，唔會乾爭爭，好好食！我同朋友邊食邊傾，點埋鹹味沙律醬一齊食，眨吓眼就食晒成碟，真係好食到想加單！不過因為其餘兩份定食實在太大份，所以我哋如果叫多客，都未必食得落。
[價錢 Price]
💰$68 (+$30 可升級定食)
豚肉生薑燒 🍱
生薑燒嘅肉量多到你唔信，話有多過30嚿都唔算誇張，而且同坊間大多嘅豚肉燒唔同，佢唔係用啲火鍋肥豬肉片嚟炒，而係比較厚身嘅豬肉煮成，肥瘦均勻，食多煮唔覺漏！而且，係真係會食到一粒粒嘅生薑粒，夾埋豚肉一齊食變得清爽，醬汁濃而不膩，送飯一流！
[價錢 Price]
💰$76 (+$30 可升級定食；+$10 可轉貓飯)
招牌蒲燒鰻魚 (半條) 🍱
至於呢個鰻魚就相信好多人都介紹過啦，佢有半條同原條揀，我哋呢啲唔算大食嘅當然係揀咗半條啦，不過就轉咗貓飯，諗住試下啲特別嘢。貓飯實際上有啲咩材料我唔太清楚，但我食到有柴魚片、紫菜等配料，店員提我哋要撈勻先好食，所以我估應該仲有啲特製嘅醬汁，雖然唔知道係咩，但淨知道佢又好味又特別！鰻魚半條，其實都已經夠晒兩個人食，佢好厚肉，醬汁濃得嚟唔會過鹹，最重要嘅係一啲魚腥味都無，魚肉易夾開但又唔會過淋身，每樣嘢都恰到好處，再嚟一定會叫多次！
每個套餐都有包前菜、湯，同埋茶一杯，我哋嘅前菜係涼拌海蜇，除咗海蜇，仲有貢菜，整得一啲都唔馬虎，讚！唔好睇個麵豉湯細細碗咁，其實都好足料㗎，入邊有兩至三款嘅菇菌，而且仲有蜆肉添，朋友食完第一個反應就係話入面一粒沙都無，正！而伴碟就有兩片玉子，一啲漬物同麻醬椰菜沙律，總括而言，兩個人去食晚餐，叫兩個定食同一個小食，一定可以飽到攬住個肚走！難怪呢間餐廳咁有名氣，份量大嘢食同擺盤又夠晒誠意，我哋一定會再返嚟食！
張貼
