極尚大瀛喜日本料理

營業中

休息中

行開元朗形點一期見到有間日本放題好多人排隊 ，抱著八卦嘅心態行過去睇下有咩食 。因為元朗唔係好多高質嘅放題， 諗住試一試 。開頭見menu以為冇咩嘢食㗎，點知入到去係另一番新天地 。佢除咗紙上面嘅食品外，仲有自助區 ，入面有好多前菜 ，甜品，湯 ，飲品類。 值得一讚嘅就係佢飲品都放喺三個唔同地方，雪櫃室溫同埋暖機， 唔似其他放題淨係可以飲凍嘢。 對於女士嚟講，我得呢個舉動好窩心，值得一讚。 人哋冇你有絕對係一間餐廳成功嘅要素。食物種類質素都超乎我想像， 乾煸四季豆同埋酸青瓜都已經係酒店buffet嘅質素， 兩樣我各食咗三碗。壽司種類都好創新， 例如喜壽司， 胡麻蘆筍煙三文魚卷 ，仲有鵝肝帶子壽司，應該冇乜邊間放題可以咁重本用鵝肝。胡麻冷稻庭烏冬又係好好食，因為我本身唔係好鍾意食烏冬，如果可以揀我會揀拉麵，但係呢個烏冬真係好好食， 佢比普通烏冬較扁身，冇咁粗，加上麵質好煙韌， 佢成碗烏冬仲加咗好多肉粒， 唔會得胡麻醬撈烏冬咁齋。