鹵家

營業中

休息中

門口亂七八糟，感覺唔係幾好。有板隔開，但感覺有啲逼。招牌叉燒，想食好嘢都係要跟風。套餐絶對係女士份量，或者男士減肥份量。唔介意，好食就得。個湯都可以，無味精，不過份量真係好孤寒，個碗已經咁細你都裝滿啲啦！唔好誤會，張相我未飲過影。好睇唔好食，叉燒無肉味，只有香料味。認真講，呢種叉燒唔會好過十九蚊單拼飯盒果種叉燒，睇你邊間。我明白食叉燒有時講運氣睇師傅畀咩部位你，但都要體諒寫食評都要中肯忠於體驗，只可以講大家都唔好彩囉無辦法，唔好食我唔可以夾硬話佢好食。果日叉燒無肉味係鐵一般事實，可能第日會好啲我唔知。比較上嚟隻蛋好味啲。