稚

營業中

休息中

今次去咗良心💛小店食日本料理，平日去食唔使排隊，聽聞呢一間星期六日好長龍呀，好開心！呢間鋪用咗漫畫做主題，掛牆好多唔同漫畫的照片，童年感覺返返晒嚟!—————————原來午市都算幾抵食，見到餐牌推介泡菜豚肉定食，同埋浦燒鰻魚定食，一於試吓佢！定食有齊， 前菜，日式味增湯，主食，同埋一杯茶！夠晒飽啦☘️浦燒鰻魚定食☘️鰻魚都算係好大條，啖啖肉，好厚身，鰻魚汁唔會太鹹，甜甜地，配埋珍珠飯同面頭的飯素，唔會太寡！咁嘅價錢食到真係超值！☘️泡菜豚肉定食☘️餐牌上面寫呢一個都係招牌喎！咁啱我本人都好鍾意食泡菜㗎，啱晒我食！比起鰻魚飯我更加鍾意呢個呢！薄切五花腩肥瘦分布好好，食落唔覺邪惡，唔會好油膩，而且都唔算太辣，但係又可以為口腔稍稍帶來刺激！☘️流心芝士年糕☘️上枱超熱辣辣，好新鮮！年糕部份咬落去好彈牙，又唔會太難咬，芝士真係好流心，好creamy 💕呢個好好食!