影片
更多
2020-06-09
1105 瀏覽
同另一半慶祝生日，想揀間環境靚啲同特別啲既餐廳，上網見到呢間餐廳好似唔錯，加上之前身邊有人讚過呢間餐廳啲野食好食，就一心想去試試。book位既時候知道係慶祝生日所以好細心咁係甜品度寫左字同點蠟燭😍我地每人叫左一個4 course lunch set，盛惠每人298，係間環境咁靚既餐廳咁既價錢真係一啲都唔貴。頭盤一個叫左豬肉批，一個叫左凱撒沙律。豬肉批食落真係好有法國風味，佢用左平時食到既法式肝醬加埋豬肉粒做餡料，食落有好香既豬肝味，配埋個餅皮又唔覺得好膩。再加埋啲清新既酸瓜就另成件事更加冇咁膩。旁邊嗰兩個羅馬生菜都好特別，成棵咁放左系隔離，令成個擺盤好靚好特別😍不過唯一有啲失望既係佢個批係凍既，唔知熱食會唔會再香口啲呢🙈另一半就叫左個雞肉凱撒沙律，最特別係佢啲雞肉唔知係咪慢煮既關係令到佢好冧好滑，從未食過啲咁既質地既雞肉😂不過就冇咩味。佢既生菜都好甜，加埋佢啲好香既煙肉粒，食落真係好好食，另一半仲話係佢食過最好食既凱撒沙律添😂跟著就輪到個餐湯，係南瓜忌廉湯，面頭鋪左層用忌廉打成薄薄既泡泡，同個南瓜湯一齊飲就變到好滑好香👍🏼南瓜湯既味道好特別，同平時飲到既好唔同，但又唔會覺得好奇怪，當我
頭盤一個叫左豬肉批，一個叫左凱撒沙律。豬肉批食落真係好有法國風味，佢用左平時食到既法式肝醬加埋豬肉粒做餡料，食落有好香既豬肝味，配埋個餅皮又唔覺得好膩。再加埋啲清新既酸瓜就另成件事更加冇咁膩。旁邊嗰兩個羅馬生菜都好特別，成棵咁放左系隔離，令成個擺盤好靚好特別😍不過唯一有啲失望既係佢個批係凍既，唔知熱食會唔會再香口啲呢🙈
另一半就叫左個雞肉凱撒沙律，最特別係佢啲雞肉唔知係咪慢煮既關係令到佢好冧好滑，從未食過啲咁既質地既雞肉😂不過就冇咩味。佢既生菜都好甜，加埋佢啲好香既煙肉粒，食落真係好好食，另一半仲話係佢食過最好食既凱撒沙律添😂
跟著就輪到個餐湯，係南瓜忌廉湯，面頭鋪左層用忌廉打成薄薄既泡泡，同個南瓜湯一齊飲就變到好滑好香👍🏼南瓜湯既味道好特別，同平時飲到既好唔同，但又唔會覺得好奇怪，當我地飲曬仲想繼續飲😂
主菜我就叫左個德式麵糰，配左黑松露忌廉汁，再加埋啲脆既煙肉粒。個人係第一次食呢種德式麵糰，食落感覺同意大利粉有啲唔同，咬落比意粉更加煙韌，好特別👍🏼黑松露忌廉汁味道超香，而且成件事又唔覺得膩，食下食下好快就食曬成碟。個人覺得面頭既脆煙肉粒真係好好食，雖然睇落只係好普通既菜色，加上賣相唔算特別吸引，但食落真係有驚喜😍
另一半叫既紅酒燴牛肉就真係好食到暈😍牛肉煮到好冧，真系入口即溶，而且一啲都唔鞋口，牛肉煮得肥瘦適中，再加埋佢既紅酒味都好香，真係超正😍佢既紅酒味唔會太嗆，但又食到好香甜既紅酒味，好少食到咁重紅酒味既紅酒燴牛肉。再配埋佢好香滑既薯茸一齊食真係好正👍🏼
最後到甜品，叫左個拿破崙蛋糕，仲有一個紅莓蛋白酥。拿破崙蛋糕既size真系有啲大，侍應攞黎個下真係有啲嚇親😂 hazelnut既味道好香，加上佢唔係好甜，又係食下食下好快食曬😂不過另一個蛋白酥就略嫌甜左啲，同埋因為有好多忌廉既關係有啲膩，最後我地兩個人都食唔曬🙈
成餐飯都食得好開心，個環境加埋食唔既質素各方面都好滿意👍🏼不過有少少野可以改善下，例如餐飲既凍檸檬茶竟然冇用到茶冰，感覺上就同呢間餐廳既質素唔係好夾。另外叫熱檸檬茶佢竟然係比一包白砂糖，而唔係平時既方糖，感覺又有啲扣分。佢用既餐具亦都比較普通，同呢間咁靚既餐廳好似又有啲唔夾。不過呢啲都係啲小問題姐，整體黎講呢餐都係一個好好既體驗，值得推薦👍🏼
張貼
