嵐山日本料理

營業中

休息中

日本嵐山以賞楓樹同埋睇櫻花而知名， 櫻花期又過左 賞楓期又未到， 心情實在有d失落， 冇得去睇靚景，唯有係去搵好野食啦 。《嵐山日本料理》位於棉登徑， 地點方便， 食完野後仲可以去附近嘅酒吧飲番杯。 餐廳門面甚有日本當地餐廳感覺，店內裝修簡單柔和， 係食晚飯同埋朋友傾計歡聚既好地方。坐下不久，店員送上三款開胃小吃， 分別係彈牙嘅日式螺肉， 雖然螺肉係平時成日食嘅小食，不過呢到嘅螺肉撈埋日本醃蘿蔔，食落更爽口。中間係甜甜地嘅魚仔乾，魚乾咸香得黎帶甜，係佐酒嘅良伴小吃。最後係海蜇，味道酸酸辣辣，食落爽脆，係一樣好開胃嘅前菜。日本珍寶岩蠔88蚊隻，果然係 jumbo, size都有一隻手掌咁大，食落creamy，又唔會太鹹，加埋上面落咗少少青蔥點綴， 基本上落兩滴檸檬汁已經好好食。刺身合成有原隻北海道海膽$168，海膽鮮甜， 味道甘香， 每一啖都充滿回甘。池魚皇刺身$68, 池魚味道鮮甜，有一股獨特油香，而且肉質彈牙爽口。北海道活帶子$60/隻， 帶子新鮮，肉厚鮮甜， 同平時食開嘅急凍帶子刺身真係有天淵之別。三文魚刺身， 肉質鮮嫩， 充滿油香。爐端燒物， 分別叫咗日本黑豚肉，同安格斯牛肉各一