The Market

話說身邊有朋友食生日,於是佢就提出想去hotel icon入面嘅The Market食自助晚餐。因為佢哋係榴槤控,想食佢哋聞名已久嘅榴槤甜品好耐。雖然The Market自助餐價錢係貴,但係人一世物一世咁當然要試一試呢個五星級酒店嘅自助餐。我哋book咗星期日夜晚六點半,我哋準時6點25分去到門口已經排緊隊, 果然犀利!由於一早已經訂好枱,店員好快已經可以安排入座,店內環境都算舒適,店員亦非常有禮貌,收碟都收得好快,五星級果然唔同。海鮮冷盤選擇都比較多,有龍蝦鉗,龍蝦開邊,長腳蟹腳,唯一美中不足係竟然冇生蠔。有現烤叉燒呢度個喇沙濃湯,可配米線或是面,非常好味。今日嘅燉湯係椰子雪耳燉雞,椰味十足,飲完好滋潤,太好飲仲飲2次。生果bar甜點吧啲甜品擺得靚到好似藝術品咁各式各樣嘅榴槤甜品仲好好好味的海南雞飯,啲飯粒粒分明仲好有雞味。 嗰碗飯唔係好大碗,唔錯。