影片
更多
2017-09-20
263 瀏覽
今日同朋友去左觀塘出名既工廠大廈私房菜食正野，工廠大廈租金相宜，因此可以提供我地較舒適既環境慢享私房菜。點了2人餐，計埋前菜足足有十道菜，實飽死都得喇。有機沙律菜伴芝麻醬涼伴黑木耳紫薯配鮮淮山有機沙律菜同蕃茄好新鮮同好靚，食落清甜爽口，到底點解做到咁好食?睇完我篇食評就知答案架喇。黑木耳，紫薯同淮山既配搭獨特。黑木耳酸酸甜甜，開胃醒神。紫薯香濃夠甜，淮山清新健康。茶燻流心蛋伴黑魚子醬配厚切茄子這是另一款前菜,手工做得好出色，賣相100分。講味道更是一流。流心蛋做到個熟度比日本既流心蛋生少少，偏向太陽蛋既熟度。茄子燒得恰到好處，口感好好，而且個醬汁好特別。鹹鹹地又有魚子醬嘅香味好好食。原盅燉姬松茸淮山燉甘荀黑毛豚肉湯（位上）呢個燉湯好足料， 而且燉出嚟嘅重姬松茸好濃味。好耐都未飲過咁好飲嘅燉湯喇，淨係飲呢個湯都抵返曬啦!蝦球水芙蓉反之依個蝦球水芙蓉就冇咁特別，蝦球彈牙爽滑，但係個醬汁就偏鹹咗少少。呢個水芙蓉其實係蒸蛋黎，雖然蒸蛋夠滑但創意欠奉。蒜香芝士焗老外蠔王呢個蠔王又係必食之選。點解咁講?首先蠔夠大隻，而且我未食過焗蠔係新鮮到好似生蠔咁新鮮架。而且芝士味濃郁，連啲汁都好清甜有鮮味。淨
點了2人餐，計埋前菜足足有十道菜，實飽死都得喇。
有機沙律菜伴芝麻醬涼伴黑木耳紫薯配鮮淮山
有機沙律菜同蕃茄好新鮮同好靚，食落清甜爽口，到底點解做到咁好食?睇完我篇食評就知答案架喇。
黑木耳，紫薯同淮山既配搭獨特。黑木耳酸酸甜甜，開胃醒神。紫薯香濃夠甜，淮山清新健康。
茶燻流心蛋伴黑魚子醬配厚切茄子這是另一款前菜,手工做得好出色，賣相100分。講味道更是一流。流心蛋做到個熟度比日本既流心蛋生少少，偏向太陽蛋既熟度。茄子燒得恰到好處，口感好好，而且個醬汁好特別。鹹鹹地又有魚子醬嘅香味好好食。
原盅燉姬松茸淮山燉甘荀黑毛豚肉湯（位上）呢個燉湯好足料， 而且燉出嚟嘅重姬松茸好濃味。好耐都未飲過咁好飲嘅燉湯喇，淨係飲呢個湯都抵返曬啦!
蝦球水芙蓉反之依個蝦球水芙蓉就冇咁特別，蝦球彈牙爽滑，但係個醬汁就偏鹹咗少少。呢個水芙蓉其實係蒸蛋黎，雖然蒸蛋夠滑但創意欠奉。
蒜香芝士焗老外蠔王呢個蠔王又係必食之選。點解咁講?首先蠔夠大隻，而且我未食過焗蠔係新鮮到好似生蠔咁新鮮架。而且芝士味濃郁，連啲汁都好清甜有鮮味。淨係蠔肉夠厚都頂瓜瓜啦。呢度菜真係有讚冇彈冇得頂呀!
士多啤梨豚肉伴草莓呢度菜同出面食嘅士多啤梨甜酸骨差唔多，配有一塊薄薄嘅脆脆，豚肉夠厚而且唔肥，咬落酸酸甜甜醒胃。
米王湯浸碧綠溫室菜苗呢度菜我喺婚宴就食得多啦，私房菜都係第一次食。其實呢種菜苗要整得好食係好難，每次食都會覺得菜苗係好腥，所以婚宴嘅時候啲人都淨低曬冇人食，但今次出奇地唔腥，味道算唔錯啦。
荷香蒜蓉海斑片原籠蒸鴛鴦飯呢度菜係最後一道主菜，亦係最飽一道菜。先講龍躉肉係非常之厚肉而且蒸得都好嫩滑，啖啖肉就算唔加調味料都已經夠鮮味。 反而個飯呢，可能加咗啲紅糙米，就比較硬身咗少少。如果呢個飯多啲蒜香多啲蔥就更加正呀。
精心甜鮮果匯拼套餐仲包埋鮮甜嘅水果拼盤，水果當然新鮮好甜夠清新。食埋呢個要捧住個肚走呀!
臨走嘅時候我哋先發現原來佢哋啲有機菜係自己種㗎,唔怪得之前食啲菜咁新鮮好味咁清甜啦 真係very good值得一讚
仲有仲有呀!其實席間啲侍應嘅服務態度招呼都非常之好,亦都好貼心。所以你喺度食私房菜係超值呀。
張貼
