影片
更多
2014-01-10
2452 瀏覽
難得有假, 一家大小連外父外母９個人一早往大澳, 享受大自然。中午，途經街市，買了大海蝦１８隻－１斤１０兩，大青斑－３斤４兩，選擇了這間中菜館橫水渡小廚，到達時約２時，我們被安排上３樓。大青斑兩味，炒球炆頭腩，大海蝦每人兩隻開邊蒸，咕嚕肉，大澳咸鮮籠仔荷葉飯，避風塘茄子，點菜不多，因為還有沙翁，豆腐花，蝦豬餅等住我地。招呼，完全欠奉，只有於入座時放下茶及碗筷，伙計全程只有上菜時才現身，佢地另外有位女士及小女孩喺度開餐，但係就完全唔會招呼客人，沖茶執枱，完全貴客自理。上菜好慢，平均１０至１５分鐘才有一樣上枱，每碟食完都要等，最好的是咕嚕肉，即炸，脆口；咸鮮籠仔荷葉飯，只是將咸鮮及飯放在有荷葉墊底的籠仔上，啲飯完全冇咸鮮及荷葉嘅香味，約半匙更淡蝦羔放面，根本不足夠拌勻蒸飯；避風塘茄子，完全食不到茄子中間夾住的是甚麼，炸蒜蓉豆豉辣椒粒又得好少，全個餸菜只有得一個脆字，但係就冇咩味道；大青斑兩味，我地要求鮮炆頭腩，但最後上枱的係火腩支竹炆頭腩，咁都整好上枱咯，可以點？味道不過不失；最慘係個開邊蒸大海蝦，變左蒸中海蝦，全碟得２４隻半邊蝦，想同佢地理論，老人家話唔好嘈交，為有啞忍；最後埋單，來料加
中午，途經街市，買了大海蝦１８隻－１斤１０兩，大青斑－３斤４兩，選擇了這間中菜館橫水渡小廚，到達時約２時，我們被安排上３樓。
大青斑兩味，炒球炆頭腩，大海蝦每人兩隻開邊蒸，咕嚕肉，大澳咸鮮籠仔荷葉飯，避風塘茄子，點菜不多，因為還有沙翁，豆腐花，蝦豬餅等住我地。
招呼，完全欠奉，只有於入座時放下茶及碗筷，伙計全程只有上菜時才現身，佢地另外有位女士及小女孩喺度開餐，但係就完全唔會招呼客人，沖茶執枱，完全貴客自理。
上菜好慢，平均１０至１５分鐘才有一樣上枱，每碟食完都要等，
最好的是咕嚕肉，即炸，脆口；
咸鮮籠仔荷葉飯，只是將咸鮮及飯放在有荷葉墊底的籠仔上，啲飯完全冇咸鮮及荷葉嘅香味，約半匙更淡蝦羔放面，根本不足夠拌勻蒸飯；
避風塘茄子，完全食不到茄子中間夾住的是甚麼，炸蒜蓉豆豉辣椒粒又得好少，全個餸菜只有得一個脆字，但係就冇咩味道；
大青斑兩味，我地要求鮮炆頭腩，但最後上枱的係火腩支竹炆頭腩，咁都整好上枱咯，可以點？味道不過不失；
最慘係個開邊蒸大海蝦，變左蒸中海蝦，全碟得２４隻半邊蝦，想同佢地理論，老人家話唔好嘈交，為有啞忍；
最後埋單，來料加工工錢全部以半斤為基礎，多一兩都會計多半斤油料錢，手抱１歲嘅ＢＢ都計１位茶錢，完全冇招呼都要比嘅加一服務費，真係 ＂價超所值 ＂
出到門口，回頭一望，點解菜館門口魚缸啲海蝦大細，同我地買嗰啲一樣嘅？？
張貼