菊月町

營業中

休息中

位於觀塘鴻圖道的「菊月町」，已經bookmark左好耐，今次終於有機會試！店內提供數款Omakase & 鐵板燒套餐，今次揀了【匠人料理 美國牛板腱】鐵板燒。🔸前菜 (明太子醬沙律+鱈魚乾+魷魚乾) - 第一次食魷魚乾，脆口、有淡淡魷魚鮮。🔸茶碗蒸 - 與街外不同，充滿菌茹嘅茶碗蒸，口感滑溜，味道清新鮮甜。🔸廣島蠔 - 廚師將煙肉油脂滲落到廣島蠔，再將蠔煎到兩邊金黃。味道鮮甜多汁唔腥，而口中會散發淡淡嘅煙肉香，配埋香脆嘅煙肉、櫻花蝦及蔥，口感、味道超match！🔸銀鱈魚 - 銀鱈魚煎到兩邊微香脆，肉質鮮嫩，配埋牛肝菌醬，令魚味更鮮；驚喜廚師將銀鱈魚皮煎到酥脆，吃時脆得嚟仍保有輕微濕潤感，正！🔸原隻虎蝦 - 手掌咁大嘅虎蝦，開心3吃😍，1) 蝦腳煎到乾身香脆，送酒一流；2） 蝦頭膏，蝦味濃郁，帶少少鹹鮮；3） 蝦肉肉質彈牙，鮮甜又啖啖肉🔸美國牛板腱 - 牛板腱肉質較厚實，油脂感較輕，廚師控制熟度剛剛好，令肉質保持嫩滑；配埋浸咗檸檬茶的煎番薯，味道很有新鮮感👍🏻🔸炒飯 + 炒雜菜 + 湯 + 開心果雪糕 - 將白飯、牛肉、洋蔥碎、紅蘿蔔碎、蔥花、蘭王蛋等炒至金黃，炒飯粒粒分明，足料又惹味！