Le Viet

營業中

休息中

假期行開尖咀，係尖咀搵食，好易就過百蚊一餐，想搵間平啲，今次搵到呢間Le Viet，睇個名都知係食越南野，本身都好耐無食越南野，都想食下越南粉，但係以防中伏，上OpenRice 睇都幾多好評喎，而且lunch先70蚊，又越南野又幾多好評又70蚊一餐左右，一次滿足晒三個願望，所以就揀佢啦。香茅豬扒湯檬朋友叫了香茅豬扒湯河轉了檬粉，湯檬個碗超大，當然唔係得個碗大，份量都幾多，豬扒係分開上的，豬扒係甜甜地的，食得多有點膩，跟餐有一杯凍飲，叫了檬茶，過甜了一點，建議怕甜要叫少甜。豬頸肉撈檬因為睇到網上比較多人推介豬頸肉撈檬，所以第一次黎就決定試下先，撈檬碗比湯碗細，不過唔代表佢份量少，佢一整碗都係料，而且佢成碗滿晒，所以份量其實幾多下，本身無食早餐出嚟好肚餓，但食晒成碗都覺得飽了。味道方面，我幾鍾意呢度撈檬個汁，呢度個汁偏甜無平時啲撈檬汁咁酸，但係呢度啲豬頸肉同樣地都係偏甜，甜到有啲似叉燒，同埋凍左啲，可能係燒定，所以唔夠香。最後，跟餐杯奶茶，亦係好甜，怕甜者要叫少甜。