影片
更多
2011-09-27
18 瀏覽
其實呢個間火鍋店, 一直想試好耐, 因為對佢感覺似同區其他同級的火鍋店, 所以有一晚同朋友, 重要特登等晚上9:30後特價時段去試.不過唔去由自可, 真係一去.... 首先佢有個肥牛+象拔蚌餐, 標左168元, 但原來唔係, 係要加100元(個一百蚊佢係一張圖), 合共268元先有呢個餐, 如無細心睇, 有d令人誤導, 不過算啦, 當我睇錯眼大睇過龍, 都由佢.跟住有個人無啦啦走過黎話我係咪叫左個餐, 多加一碟牛肉, 我地話無, (根本未填叫菜紙) 張紙都唔係我地填, 係上一手. 佢話明白, 又走左去.跟住佢上左一碟肥牛, 心諗都ok喎, 食左一半伙計又欏多碟牛肉黎先講, 果碟唔係套餐, 呢碟先係, 重死坳話我地叫左兩碟, 一個餐, 一個百幾蚊的手切肥牛, 我地話無, 佢死話有, 大佬, 我係客, 咁你係咪應該查清楚先? 我叫佢check單, 佢又無, 後來我朋友話算啦, 反正都食左, 又會叫多碟, 就叫佢放低, 雖然我都係一樣諗住叫多碟, 但咁屈法條氣老實講真係唔多順. 因為我九成肯定佢欏左頭先張紙當係我地.再講番質素, 牛肉唔算ok, 但都可以接受(係貴果d款牛肉), 但我覺得出面
不過唔去由自可, 真係一去....
首先佢有個肥牛+象拔蚌餐, 標左168元, 但原來唔係, 係要加100元(個一百蚊佢係一張圖), 合共268元先有呢個餐, 如無細心睇, 有d令人誤導, 不過算啦, 當我睇錯眼大睇過龍, 都由佢.
跟住有個人無啦啦走過黎話我係咪叫左個餐, 多加一碟牛肉, 我地話無, (根本未填叫菜紙) 張紙都唔係我地填, 係上一手. 佢話明白, 又走左去.
跟住佢上左一碟肥牛, 心諗都ok喎, 食左一半伙計又欏多碟牛肉黎先講, 果碟唔係套餐, 呢碟先係, 重死坳話我地叫左兩碟, 一個餐, 一個百幾蚊的手切肥牛, 我地話無, 佢死話有, 大佬, 我係客, 咁你係咪應該查清楚先?
我叫佢check單, 佢又無, 後來我朋友話算啦, 反正都食左, 又會叫多碟, 就叫佢放低, 雖然我都係一樣諗住叫多碟, 但咁屈法條氣老實講真係唔多順. 因為我九成肯定佢欏左頭先張紙當係我地.
再講番質素, 牛肉唔算ok, 但都可以接受(係貴果d款牛肉), 但我覺得出面同價的牛肉比佢會更好.
個象拔蚌都算啦, 唔太靚, 唔爽口, 應該唔係新鮮了, 所以唔敢生食.
肥鵝腸, 係有肥膏, 但好似痴上去咁, 條鵝腸干晒身, 好似漂過咁, 同出面任食果d無膏鵝腸無分別.
魚片同鱔片呢, 不見新鮮, 而且有腥味.
炸魚皮, 脆, 但無味.
墨魚丸, 係彈牙, 但又係無味.
雲吞水蛟真係要炳!!! 特價時段要58元一碟! 但質素差到呢! 超市買即食果d重好過佢!! 蝦毛都無不單只, 重只得豬肉, 有雪味, 重要係 "梅" 既! 但已經放晒入鍋滾, 想退都無.
跟住又無啦啦比左碟雞片我地, 我又問伙計你地又 "送" 野我食呀? 之後佢收左碟雞片, 取消左. (成日都比錯單??)
果酌涼茶=糖水....38蚊.....但質素同任飲又係無分別....
其他食物我都唔想再講, 可以一句講晒, 個樣有d係砌得幾好, 但味道同新鮮完全係唔合格!
服務就一般, 唔算串同黑面, 都好快手, 但人手明顯唔夠.
到最後埋單, 三個人, 叫左大約八至十碟野, 除左個套餐同包括一碟百幾蚊既牛肉, 要千幾蚊!!!???
再細心一睇, 佢係菜係特價平d之外, d咩魚片, 丸呀, 重有果碟好難食既雲吞, 平均一碟要58元!!!
講真! 打邊爐係貴我預左, 但一來特價時段同正價時段價錢無咩分別, 二來咁價錢食咁質素!!!???
我行過後面街, 或者行前兩條街, 我都食到平過佢同好過佢啦! 佢d質素, 同任食火鍋真係有得比!
重有, 佢係只收現金, 唔收咭, 好彩我夠錢, 但今時今日, 一間樓上食店(唔係快餐), 重無咭碌? 好似out左喎. (如果佢係好似大榮華果d出名既我無得講)
最後我問個伙計(我估係事頭婆), 點解特價都咁貴? 同埋個牛肉套餐標示個價錢好易引人誤會, 佢係咁講唔好意思, 可能佢寫得唔好咁咁咁, 呢個算啦, 其實我都想知下姐, 佢都無話好串.
所以, 呢間火鍋店佢服務都算係咁, 我無話佢衰, 但問題係食物同價錢不合正比, 令我無下次幫襯了, 我寧願行去食碗雲吞麵(都係十幾蚊), 都唔會再食呢間, 因為質素同價錢真係好唔得, 完全唔掂! (唔怪得成日都見佢唔客滿啦.....)
呢間係我唯一一間在旺角 Black List 既火鍋店!
張貼