睿和牛燒肉 (已結業)

今日同朋友慶祝生日，專程嚟呢間餐廳食壽喜燒餐。價錢係$388/位，齊哂前菜、蔬菜拼盤、鍋物、牛肉同甜品，重點係牛肉質素非常出色，呢個價錢能夠食到咁樣質素嘅牛肉，係意料之外，相當驚喜！一坐低會有枝豆作為餐前小食，然後就會上前菜三點，包括螺、八爪魚同蕃茄。海鮮充滿鮮味，係用柚子、和風汁等等嘅醬汁去搭配，更加清新開胃。最特別係八爪魚係使用軟骨位，識落完全唔似平時嘅八爪魚，仲好入味添🫣 蕃茄香甜多汁，這個前菜都好好味，擺碟都比我想像中靚！壽喜燒有肉眼、西冷、三角，每款牛肉都有唔同嘅口感同味道，份量鋪滿晒成隻大碟，好吸睛😍 我最鍾意係肉眼位置，肉質香軟，油香爆哂出黎～另外加左牛舌，份量好多，而且食落勁彈牙，口感好出色，我哋另外加咗刺身三點，有海鯛，拖羅同油甘魚，新鮮好味～而火炙和牛壽司入口即化，極度推薦！最後食埋甜品，大滿足！