影片
更多
2009-08-07
34 瀏覽
係中環同同事專程坐的士黎呢間食lunch, 雖然係遠少少, 不過真係好古色古香, 而且價錢合理!地板保留舊式茶樓樣式, 檯塊玻璃下面有木板可以放野, 呢間比起中環有間舊式茶樓更乾淨最重要服務態度超好!幫我地倒茶既叔叔態度一流, 每次都笑笑口同你倒茶見你張檯太多水, 又主動抹乾淨 每個侍應倒茶都一樣好小心等你移開個人先倒, 亦唔會倒到檯面勁多水, 水煲拎出拎入都就住d位, 非常細心! 仲有呀~佢地真係會一見到你個茶壺無蓋住, 就即刻幫你倒水!試過d同事話個茶壺太熱倒唔到落茶杯, 拎起左個蓋抖涼...個侍應就走埋黎想加水, 結果個同事話唔係啦...即時就有個可能係高級d既侍應走埋黎, 笑笑口話:「哦, 你無蓋住d侍應就會係咁走埋黎架喇~」非常有禮貌!!! 而且佢地一見客人搵唔到位坐, 就會主動幫你物色~仲幫你開埋茶, 搞掂好晒, 幾乎幫你洗埋杯先走開!呢方面對於老人家黎講係非常有用的! 佢地行得耐會辛苦呀, 侍應就四處幫佢地搵位, 好厲害! 就連推車仔阿姐都一樣好態度!見你未必留意到有車仔經過, 會主動埋黎問下有冇野想要當我地問有冇某某食物時, 如果無, 佢就會好有禮貌笑笑口話無拎食物黎仲
地板保留舊式茶樓樣式, 檯塊玻璃下面有木板可以放野, 呢間比起中環有間舊式茶樓更乾淨
最重要服務態度超好!
幫我地倒茶既叔叔態度一流, 每次都笑笑口同你倒茶
見你張檯太多水, 又主動抹乾淨
每個侍應倒茶都一樣好小心等你移開個人先倒, 亦唔會倒到檯面勁多水, 水煲拎出拎入都就住d位, 非常細心!
仲有呀~佢地真係會一見到你個茶壺無蓋住, 就即刻幫你倒水!
試過d同事話個茶壺太熱倒唔到落茶杯, 拎起左個蓋抖涼...個侍應就走埋黎想加水, 結果個同事話唔係啦...
即時就有個可能係高級d既侍應走埋黎, 笑笑口話:
「哦, 你無蓋住d侍應就會係咁走埋黎架喇~」
非常有禮貌!!!
而且佢地一見客人搵唔到位坐, 就會主動幫你物色~
仲幫你開埋茶, 搞掂好晒, 幾乎幫你洗埋杯先走開!
呢方面對於老人家黎講係非常有用的! 佢地行得耐會辛苦呀, 侍應就四處幫佢地搵位, 好厲害!
就連推車仔阿姐都一樣好態度!
見你未必留意到有車仔經過, 會主動埋黎問下有冇野想要
當我地問有冇某某食物時, 如果無, 佢就會好有禮貌笑笑口話無
拎食物黎仲會講聲「多謝晒, 慢用啦~」真係好好態度呀!!
食物水準都幾高~
煲仔飯一致認為好味! 飯煮得剛好, 唔會太硬太軟, 上面d排骨鳳爪既味落晒d飯度, 味道剛好!
其他點心...燒賣, 雞扎, 牛肉, 腸粉...全部都有水準!
仲有煎年糕, 蘿蔔糕, 芋頭糕...阿姐仲會剪開4份等大家可以share! 好細心!
叉燒包就超大個, 一籠兩件, 係放到貼住個籠邊咁大個~~~
而且包同材料都好多, 好平均! 包好軟, 雖然叉燒唔係紅紅地個種, 不過都好好味!
比較喜歡佢倒茶時唔會倒太多水, 倒到周圍都係...
上次去另一間, 倒到滿都唔收手...成檯都係水...又拎唔起個茶壺倒落自己個杯度...
今次呢間就剛好, 見你倒唔到, 竟然仲會幫你倒埋!!!
超好人呀~~~
食物唔錯, 服務態度一流!!!
p.s. 不過叉燒包就竟然要等到1點先有...可能想人流最多個陣先出吧...所以我地12點幾黎到就等左好耐先食到...
張貼
