長阪燒

營業中

休息中

看過食評，覺得這店裝修不錯，認為飯局氣氛應該不佳，試過walk-in冇位，今天專登一早來。如果三人可選擇卡位，感覺應該好啲。二人座位較逼，枱椅放了手袋就坐得唔舒服，幸好食店每枱預備籃子可放袋。見到紅色餐牌話半價，以為正啦！再仔細睇，原來已是「半價」的價目。叫了幾款來試，軍艦的紫菜淋到一夾就爛。飯是有顏色的，可能專登調味了醬汁，但失了壽司的醋飯味。我們還叫了角切魚生飯，魚生粒的款式和數量都幾好，但是質素一般，感覺不夠鮮味，而且飯又是多多的汁。說實話，不會再嚐這款。另外叫了吉列豬扒烏冬。第一啖嚐，豬扒鬆脆，但再食開始滯，而且粉漿一般，還見到厚厚的透明物體。烏冬麵質正常彈牙，湯清合味。另外叫了所謂半價壽司，價錢如壽司郎，但質素卻不及。其中芥苿八爪魚軍艦，一送來，紫菜淋得變形。劍魚腩同立魚壽司也欠鮮味。只看影出來的相看似不錯，但見實物，甚至一嚐就知高質和平凡。我就是睇食評而來，光靠相信不過，以為環境佳，原來又逼又一般。我想不會再來。